આતો હદ થઈ ગઈ / VIDEO: શખ્સે બનાવી 'ચાની આઈસ્ક્રીમ', ગુસ્સે ભરાયેલા યુઝર્સે કહ્યું- "આની સજા નરકમાં મળશે..."

• શખ્સે બનાવી ચાની આઈસક્રીમ
• સોશિયલ મીડિયા પર વાયરલ થયો વીડિયો 
• વીડિયો જોઈ લોકોમાં રોષ 

ફ્યુઝન ફૂડ ટ્રેન્ડે છેલ્લા થોડા વર્ષોમાં ખૂબ ગતી પકડી છે. ફૂડ પેયરિંગની વાત કરીએ તો ઈન્ટરનેટ પર ક્રિએટિવિટીની કોઈ કમી નથી. ઘણા ફૂડ બ્લોગર્સ પોસ્ટ કરીને જણાવે છે કે બજારમાં કવી અજીબો ગરીબ કોમ્બિનેશન વાળુ ફૂડ મળે છે. ઘણા વીડિયો એવા હોય છે જેને જોઈને લોકો ગુસ્સે ભરાય છે. સોશિયલ મીડિયા પર હાલ એવો જ વીડિયો વાયરલ થઈ રહ્યો છે. જેને જોઈને લોકોમાં ગુસ્સો જોવા મળી રહ્યો છે.  

ભારતમાં ચા પીવી લોકો ખૂબ પસંદ કરે છે અને જો ચાની સાથે કોઈ છેડછાડ કરવામાં આવે તો ટી-લવર્સના નિશાના પર તે આવી જાય છે. આજે અમે તમને ચાની સાથે ફૂડ કોમ્બિનેશનનો વીડિયો બતાવવા જઈ રહ્યા છીએ. 

ચા સાથે આઈસ્ક્રીમને કરી મિક્સ 
Mi_nashikkarનામના યુઝરે આ ચોંકાવનાવો વીડિયો પોસ્ટ કર્યો છે. જેમાં જોઈ શકાય છે કે એક શખ્સ ચાની આઈસ્ક્રીમનબનાવી રહ્યો છે. 

શખ્સ પહેલા તવા પર ચા નાખે છે અને ત્યાર બાદ આઈસ્ક્રીમનું દૂધ નાખીને તેને મિક્સ કરે છે. ત્યાર બાદ શખ્સ તેના પર ચોકલેટ સિરપ પણ નાખે છે. ત્યાર બાદ તેને તવા પર પાથરી તેના રોલ બનાવે છે. સાથે જ તેને ચોકલેટ સિરપની ટોપિંગ સાથે સર્વ કરે છે. 

લોકોએ આપ્યું આવું રિએક્શન 
ઓનલાઈન પોસ્ટ કર્યા બાદથી આ વીડિયોને 8 લાખથી વધારે વખત જોઈ લેવામાં આવ્યો છે અને હજારો કમેન્ટ્સ કરવામાં આવ્યા છે. આઈસ્ક્રીમ રોલ થાઈલેન્ડનું ડેઝર્ટ છે. થાઈ મિઠાઈ પર આ દેસી આઈસ્ક્રીમ ટ્વિસ્ટ આપવામાં આવ્યો છે. ભારતીય યુઝર્સને ચાની આઈસ્ક્રીમ પસંદ નથી આવી અને સોશિયલ મીડિયા પર પોતાનો ગુસ્સો ઠાલવી રહ્યા છે. 

એક યુઝરે આ વીડિયો જોઈ લખ્યુ- હવે રજનીગંધા આઈસ્ક્રીમપણ બનાવી જ દો... જ્યારે અન્ય એક યુઝરે કમેન્ટ કર્યું, ખૂબ જ આપત્તિજનક. અન્ય એક યુઝરે લખ્યું- આ કામ માટે નરકમાં સજા મળશે.