મુંબઇમાં બોલીવુડની સૌથી ફેવરેટ જોડી રણવીર સિંહ અને દિપિકા પાદુકોણએ પોતાના લગ્નની રિસેપ્શન પાર્ટી આપી. શનિલારે થયેલી રિસેપ્શન પાર્ટીમાં બોલીવુડ હસ્તીઓ ઉદ્યોગપતિઓ ઉપરાંત ટીમ ઇન્ડિયાના બે મોટા ચહેરા પણ નજરે આવ્યા. રણવીર અને દીપિકાના રિસેપ્શનમાં પૂર્વ કેપ્ટન એમએસ ધોની પોતાની પત્ની સાક્ષીની સાથે પહોંચ્યો. ઇજા પહોંચવાના કારણે એ ટીમ ઇન્ડિયાથી બહાર ચાલી રહેલા હાર્દિક પંડ્યા પણ આ પાર્ટીમાં પહોંચ્યો. પાર્ટીમાં જ્યારે આ 3 એક સાથે ઊભા રહ્યા તો કંઇક એવો જ એમનો વીડિયો સોશિયલ મીડિયા પર વાયરલ થઇ રહ્યો છે.
વાસ્તવમાં પાર્ટીમાં ધોની અને સાક્ષી ફોટોગ્રાફર્સની સામે ફોટો પડાવી રહ્યા હતા. ત્યારે એમની સાથે હાર્દિક પંડ્યા પણ આવ્યો. ફોટોગ્રાફર્સે સાક્ષીને હાર્દિક પંડ્યા સાથે જગ્યા બદલવા કહ્યું .ધોની વચ્ચે હતો અને સાક્ષી એની જમણી બાજુ હતી અને હાર્દિક ડાબી બાજુ હતો. ફોટોગ્રાફર્સે સાક્ષીને જમણી બાજુ જવા કહ્યું પરંતુ સાક્ષી હસીને સ્ટેજ પરથી ચાલી ગઇ. જો કે આ પાછળ શું કારણ છે એનો ખુલાસો થયો નથી.
આ પાર્ટીમાં ધોની અને પંડ્યા ખૂબ જ હેન્ડસમ લાગી રહ્યા હતા. બંનેએ બ્લેક સુટ પહેર્યો હતો. આ બંને ઉપરાંત જાણીતી ફુટબોલર ખેલાડી સુનીલ છેત્રી પણ આ પાર્ટીમાં હાજર હતા. સાથે સચિન તેંડુલકર પણ પત્ની અંજલિ અને પુત્ર અર્જુન સાથે પહોંચ્યા હતા.