ફોનમાં બ્લાસ્ટ થયા બાદ CEOનું મોત તમારા સ્માર્ટફોનની બેટરીને ફાટતા બચાવો આ 7 Tricksથી

મોબાઇલ બેટરીમાં વિસ્ફોટની બીજી એક ઘટના સામે આવી છે જેમાં મલેશિયાના એક મોટી કંપનીના CEO નઝરીન હસનનું મોત થઇ ગયું છે. નઝરીન ક્રેડલ ફંડમાં CEO હતા. આ કંપની મલેશિયા સરકારની છે. હસન બ્લેકબેરી અને હુવેઇના ફોનનો ઉપયોગ કરતા હતા. બંને ફોન એ સમયે ચાર્જિંગમાં લાગ્યા હતા કે એમાં બ્લાસ્ટ થઇ ગયો. એનાથી રૂમમાં રાખેલા બેડમાં આગ લાગી ગઇ અને આખું ઘર સળગીને ખાક થઇ ગયું. પોલીસ માટે કહેવું મુશ્કેલ થઇ રહ્યું છે કે કયા ફોનની બેટરીમાં બ્લાસ્ટ થયો હતો. 

પરિવારના લોકોનું કહેવું છે કે આગ લાગવાથી હસનનું મોત થયું નહતું. પરંતુ મોબાઇલ બેટરીમાં બ્લાસ્ટ થયો તો એનો ટૂકડો હસનની ખોપરીમાં જઇને અથડાયો. એનાથી એમના માથામાં ઊંડો ઘા પડ્યો. ત્યારબાદ રૂમમાં બેડમાં આગ લાગી પરંતુ એ પહેલા હસનનું મોત થઇ ગયું હતું. 

જો તમે પણ તમારો સ્માર્ટફોન ચાર્જિંગમાં મૂકીને સૂતા હોવ તો ધ્યાન રાખો કેટલીક વાતોનું. આજે અમે તમને એ બાબતે કેટલીક Tricks જણાવવા જઇ રહ્યા છીએ. 

ખોટા ચાર્જરનો ઉપયોગ પણ તમારા ફોન માટે ખતરનાક સાબિત થઇ શકે છે. જો તમે તમારા સ્માર્ટફોનને કોઇ પણ લોકલ ચાર્જર કે અન્ય ચાર્જરથી ચાર્જ કરો છો તો ચાર્જ થવાની જગ્યાએ બેટરી બ્લાસ્ટ થઇ શકે છે. 

જો તમે તમારા સ્માર્ટફોનમાં સ્માર્ટ વિન્ડો પર કામ કરો છો થો એનાથી ફોનની બેટરી પર દબાણ વધારે પડે છે. આ સ્થિતિમાં આ માટે વિશેષ ધ્યાન આપવાની જરૂર છે. પ્રયત્ન કરો કે દિવસમાં એક વખત ફોનને જરૂરથી રીબૂટ કરો અને ઉપયોગમાં ના લેવાતી એપ બંધ રાખો. 

સ્માર્ટફોનની બેટરી લિથિયમ આયનની બનેલી હોવાને કારણે હલ્કી રહે છે પડવા પર એમાં શોર્ટ સર્કિટનું જોખમ રહે છે. આ પરિસ્થિતિમાં બેટરી અને ફોનના ફાટવાની સંભાવના વધારે હોય છે. 

મોબાઇલનો વધુ પડતો ઉપયોગ કરશો નહીં તેમજ તડકામાં પણ મૂકશો નહીં. 

જે કંપનીનો મોબાઇલ છે એ કંપનીના ચાર્જરનો ઉપયોગ કરો. 

વધારે સમય સુધી નેટ ચાલી રહ્યું છે તો થોડા થોડા સમય માટે બંધ કરી દો. 

ડુપ્લીકેટ બેટરીનો ઉપયોગ કરશો નહીં.