ખુલાસો / 30 ફૂટ દૂરથી પણ ફેલાઈ શકે છે કોરોના, સંક્રમણને લઈને સરકારે કર્યો ચોંકાવનારો ખુલાસો 

• કોરોના વાયરસ 30 ફૂટ દૂરથી પણ ફેલાઈ શકે છે
• સરકારના મુખ્ય વૈજ્ઞાનિક સલાહકારે ગાઈડલાઈન જાહેર કરી  
• પંખા, માસ્ક એસી, વેન્ટિલેશનને લઈને જાહેર કરી ગાઈડલાઈન 

કેન્દ્ર સરકારના મુખ્ય વૈજ્ઞાનિક સલાહકારના કાર્યાલયની તરફથી કોરોના સંક્રમણને ધ્યાનમાં રાખવાની ગાઈડલાઈન જાહેર કરવામાં આવી છે. એડવાઈઝરીમાં કહેવામાં આવ્યું છે કે, 'ભારતમાં મહામારીના પ્રકોપની વચ્ચે આપણે ફરી એ સામાન્ય નિયમોને યાદ રાખવાની જરૂર છે જેના દ્વારા સાર્સ CoV-2 વાયરસનું ટ્રાન્સમિશન નિયંત્રીત કરી શકીએ છીએ.'

એડવાઈઝરીમાં કહેવામાં આવ્યું છે કે ઓફિસ અને ઘરોમાં સારા વેન્ટિલેશન દ્વારા સંક્રમણનો ખતરો ઓછો કરી શકીએ છીએ. ગાઈડલાઈનમાં કહેવામાં આવ્યું છે કે સારા વેન્ટિલેશન દ્વારા એક સંક્રમિત વ્યક્તિથી બીજા સંક્રમણના ટ્રાન્સમીટ થવાની આશંકા ઓછી રહે છે. 

Office of Principal Scientific Adviser to GoI issued a guideline to “Stop the Transmission, Crush the Pandemic - Masks, distance, sanitation and ventilation to prevent the spread of SARS-CoV-2 virus”

— ANI (@ANI) May 20, 2021

પંખાને લઈને એડવાઈઝરી 

ઓફિસો અને ઘરોમાં વેન્ટિલેશનના સંદર્ભમાં સલાહ આપવામાં આવી છે કે સેન્ટ્રલ એર મેનેજમેન્ટ સિસ્ટમ વાળી બિલ્ડિંગોમાં સેન્ટ્રલ એર ફિલ્ટરમાં સુધારો કરવાથી ખૂબ મદદ મળી શકે છે. એડવાઈઝરીમાં ઓફિસ, ઓડિટોરિયમ, શોપિંગ મોલ વગેરેમાં ગેબલ ફેન સિસ્ટમ અને રૂફ વેન્ટિલેટરના ઉપયોગની ભલામણ કરવામાં આવી છે. દિશાનિર્દેશોમાં કહેવામાં આવ્યું છે કે પંખા રાખવાની જગ્યા પણ મહત્વપૂર્ણ છે કારણ કે પંખો એવી જગ્યા પર ન હોવો જોઈએ જેના કારણે દૂષિત હવા સીધા કોઈ બીજા સુધી પહોંચી જાય. 

2 મીટરની અંદર પડે છે ડ્રોપલેટ્સ 

ભારત સરકારના મુખ્ય વૈજ્ઞાનિક સલાહકારના કાર્યાલયે પોતાની સલાહમાં કહ્યું છે કે એરોસોલ અને ડ્રોપલેટ્સ દ્વારા વાયરસનું ટ્રાન્સમિશન ઝડપી થાય છે. એરોસોલ હવામાં 10 મીટર સુધી જઈ શકે છે. સલાહમાં કહેવામાં આવ્યું છે કે સંક્રમિત વ્યક્તિના 2 મીટરની અંદર ડ્રોપલેટ્સ પડે છે. એડવાઈઝરીમાં કહેવામાં આવ્યું છે કે જો કોઈ સંક્રમિત વ્યક્તિમાં લક્ષણ નથી તો પણ તેમાંથી ડ્રોપલેટ્સ નિકળી શકે છે જેનાથી વધુ લોકો પણ સંક્રમિત થઈ શકે છે. 

ગાઈડલાઈનમાં કહેવામાં આવ્યું છે કે સંક્રમિત વ્યક્તિ દ્વારા શ્વાસ છોડવા, વાત કરવા, બોલવા, હંસવાથી, ખાંસી અથવા છીંક ખાવાથી લાળ અને નાક દ્વારા ડ્રોપલેટ્સ અને એરોસોલ બની શકે છે જે વાયરસનું ટ્રાન્સમિશન ફેલાઈ શકે છે. એડવાઈઝરીમાં કહેવામાં આવ્યું છે કે ડબલ માસ્ક અથવા એન 95 માસ્ક પહેરવું જોઈએ. 

ગાઈડલાઈનમાં કહેવામાં આવ્યુ છે કે વાયરસના ટ્રાન્સમિશનને રોકવા માટે અને સંક્રમણના દરને ઓછુ કરવા માટે નાગરિકો, સમુદાયો, અધિકારીઓનું સમર્થન અને સહયોગ જરૂરી છે. એડવાઈઝરીમાં કહેવામાં આવ્યું છે કે, 'માસ્કના ઉપયોગની સાથે, વેન્ટિલેશન, દૂરી અને સ્વચ્છતા, વાયરસના વિરૂદ્ધ જંગ જીતવામાં આવી શકે છે.'