મદ્રાસ હાઇકોર્ટ / રાજીવ ગાંધીના હત્યારાઓને મુક્ત કરવાના વિરોધમાં કેન્દ્ર સરકાર

• રાજીવ ગાંધીના હત્યારાઓને મુકત કરવાને લઇને કેન્દ્રનો વિરોધ યથાવત્
• કેન્દ્ર સરકારનું મદ્રાસ હાઇકોર્ટમાં નિવેદન
• તામિલનાડૂના રાજ્યપાલ સમક્ષ કેન્દ્ર સરકારે વલણ કર્યું છે સ્પષ્ટ

ઉલ્લેખનીય છે કે 2018ના સપ્ટેમ્બરમાં તામિલનાડૂ વિધાનસભામાં રાજીવ ગાંધીના હત્યારાઓને છોડી મૂકવા માટે એક પ્રસ્તાવ પાસ કરવામાં આવ્યો હતો. જો કે રાજ્યપાલે અત્યાર સુધી આ અંગે કોઇ નિર્ણય લીધો નથી. જસ્ટિસ આર સુબેય્યા અને જસ્ટિસ આર પોનગિયપ્પનની ખંડપીઠ સમક્ષ એડિશનલ સોલિસીટર જનરલ જી રાજગોપાલનને સરકારનું વલણ સ્પષ્ટ કર્યું છે. 

ખંડપીઠે સાત દોષિઓમાંથી એક નલિની એ અરજી પર સુનાવણી કરી રહી હતી જેમાં તેણીએ પોતાની કસ્ટડીને અમાન્ય કરવાની માગ કરી હતી. ખંડપીઠે બધા પક્ષોને સાંભળ્યા બાદ નલિનીની અરજી પર નિર્ણય સુરક્ષિત રાખ્યો છે.