Sunday, July 21, 2019
સબસ્ક્રાઈબ કરો VTVGujarati ન્યુઝ Whatsapp

સુવિધા / સરકારની નવી યોજના, કિડની દર્દીઓને ઘરે જ મળશે મફત સારવાર

સરકારની નવી યોજના, કિડની દર્દીઓને ઘરે જ મળશે મફત સારવાર

ડાયાલિસિસ કરાવનાર દર્દીઓને હવે દર બીજા દિવસે ડાયલિસિસ સેન્ટર જવું પડશે નહીં, સરકાર દર્દીઓ માટે ઘરે જ ડાયાલિસિસ કરાવવાની વ્યવસ્થા કરાવવા જઇ રહી છે.

આ માટે હીમો ડાયલિસિસની જગ્યાએ પેરિટોનિલ ડાયાલિસિસ કરવામાં આવશે. એ હેઠળ દર્દીઓને એક પેરિટોનિયન કિટ આપવામાં આવશે અને કેટલીક દવાઓ પણ આપવામાં આવશે ત્યારબાદ તે ઘરે બેસીને ડાયાલિસિસ કરી શકશે. આ સેવાઓ આવતા 2-3 મહિનામાં શરૂ કરી શકાય છે. 

આ લોકોને મફત મળશે સુવિધા
આર્થિક રૂપથી નબળા વર્ગના દર્દીઓને કિટ અને દવા મફત મળશે. બીજા દર્દીઓ માટે ડિસ્કાઉન્ટના ભાવથી સરકાર તરફથી આ સુવિધા પૂરી પાડવામાં આવશે. પ્રધાનમંત્રી ડાયાલિસિસ પ્રોગ્રામ હેઠળ જ આ પ્રોગ્રામનો વિસ્તાર કરવામાં આવશે. એવી આશા વ્યક્ત કરવામાં આવી રહી છે કે આવનારા 2 3 મહિનામાં એની શરૂઆત કરી શકાય છે. 

જાણકારી પ્રમાણે દેશમાં દર વર્ષે સવા બે લાખથી વધારે આવા દર્દીઓ છે જેમને ડાયાલિસિસની જરૂર પડે છે. આ જ કારણ છે કે બે વર્ષ પહેલા સરકારે પ્રધાનમંત્રી ડાયાલિસિસ પ્રોગ્રામની શરૂઆત કરી હતી જેના દેશભરમાં અત્યાર સુધી 757 ડાયાલિસિસ સેન્ટર સ્થાપિત કરવામાં આવ્યા છે. રાષ્ટ્રીય ડાયાલિસિસ કાર્યક્રમ હેઠળ દરેક રાજ્યોમાં આ યોજના લાગૂ થશે. 

સરળ છે આ પ્રક્રિયા, 24 કલાકમાં 3 વખત કરવી પડશે. 
આ પ્રક્રિયામાં દર્દીના પેટમાં કેથેટર ટ્યૂબ ફિક્સ કરીને બહાર નિકાળવામાં આવે છે. ટ્યૂબથી પેરિટોનિયમ ડાયલિસિસ ફ્લૂડ નાંખવામાં આવે છે. એ બે લીટર હોય છે. આ શરીરની અંદર 30 થી 40 મીનિટ રહે છે. પેટમાં લાગેલી ટ્યૂબથી બીજું એક કેથરેટ જોડવામાં આવે છે. આ ટ્યૂબના સહારે લોહીના અપશિષ્ટ પદાર્થ બહાર આવી જાય છે. આ સુવિધા નેફ્રોલૉજિસ્ટ અથવા ફિઝિશિયનની સલાહ પર મળશે. એનાથી સરકારની રકમ અને સંશાધન બંને બચશે. 

જોવા જેવું વધુ જુઓ

બ્રેકિંગ ન્યૂઝ