રાષ્ટ્રીય કોરોના વાયરસ વિરોધી વેક્સિનેશન અભિયાનમાં હવે ઝાયડસ કેડિલાની ત્રણ ડોઝ વાળી વેક્સિન ઝાયકોવ-ડી સામેલ થઈ રહી છે. સત્તાવાર સૂત્રોએ જણાવ્યું કે કેન્દ્રીય સ્વાસ્થ્ય મંત્રાલયે દેશમાં વિકસીત દુનિયાની પહેલી ડીએનએ આધારિત કોવિડ-19 વેક્સિનેશન કાર્યક્રમમાં સામેલ કરવા માટે શરુઆતી પગલાઓને લીલીઝંડી આપી દીધી છે.
કેન્દ્ર સરકારે 1 કરોડ ડોઝનો ઓર્ડર આપી દીધો
સૂત્રોએ જણાવ્યું કે કેન્દ્ર સરકારે ઝાયડસ કેડિલાની ત્રણ ડોઝ વાળી વેક્સિન ઝાયકોવ-ડીના 1 કરોડ ડોઝનો ઓર્ડર આપી દીધો છે, જેના એક ડોઝની કિંમત 358 રુપિયા છે. આ પ્રાઈસમાં દરેક ડોઝ આપવા માટે વપરાતા પેઈનેલેસ જેટ એપ્લિકેટરનો ખર્ચ પણ સામેલ છે, સૂત્રોએ એવું પણ જણાવ્યું કે સીમિત પ્રોડક્શન કેપેસિટીને કારણે શરુઆતમાં ફક્ત પુખ્તવયના લોકોને જ ઝાયકોવ-ડીનો ડોઝ આપવામાં આવશે.
બાળકો માટેની છે ઝાયકોવ-ડી વેક્સિન
ત્રણ ડોઝવાળી ઝાયકોવ-ડી વેક્સિન બાળકો માટેની છે અને ટૂંક સમયમાં તેનો સૌથી પહેલો ઉપયોગ કોરોનાના્ ગંભીર લક્ષણો ધરાવતા બાળકોમાં કરવામાં આવશે.