5 જૂને આવતા વિશ્વ પર્યાવરણ દિવસની પૂર્વસંધ્યાએ કેન્દ્ર સરકારે સિંગલ યુઝ પ્લાસ્ટિક પર એક એડવાઈઝરી જારી કરીને રાજ્યોને મોટા આદેશ આપ્યા છે.
5 જૂને વિશ્વ પર્યાવરણ દિવસ
પર્યાવરણ દિવસની પૂર્વસંધ્યાએ કેન્દ્રની એડવાઈઝરી
સિંગલ યૂઝ પ્લાસ્ટિકને તબક્કાવાર દૂર કરવા રાજ્યોને અપાયા આદેશ
રાજ્યોને વિવિધ પગલાં ભરવાનું સરકારને જણાવ્યું
વિશ્વ પર્યાવરણ દિવસની પૂર્વસંધ્યાએ કેન્દ્ર સરકારે સિંગલ યુઝ પ્લાસ્ટિકને લઈને એક એડવાઈઝરી જારી કરીને રાજ્યોને તબક્કાવાર પ્લાસ્ટિક દૂર કરવાનો નિર્દેશ આપ્યો છે. કેન્દ્રીય શહેરી આવાસ મંત્રાલય દ્વારા જારી એડવાઈઝરીમાં એવું કહેવાયું કે રાજ્યોએ દેશને સિંગલ યુઝ પ્લાસ્ટિક મુક્ત કરવાની દિશામાં વિવિધ કામો કરવા પડશે.
The Centre issues advisory to states and union territories to phase out single-use plastic & contribute to improve environment
એડવાઈઝરીમાં કહેવાયું કે 4,704 માંથી 2,591 શહેરી સ્થાનિક સંસ્થાઓ (ULBs) એ પહેલાથી જ કેન્દ્રીય પ્રદૂષણ નિયંત્રણ બોર્ડના નિર્દેશો અનુસાર સિંગલ-યુઝ પ્લાસ્ટિક પ્રતિબંધની સૂચનાની જાણ કરી છે અને પર્યાવરણ મંત્રાલય, રાજ્યો અને કેન્દ્રશાસિત પ્રદેશોએ તેની ખાતરી કરવાની જરૂર પડશે. બાકીના 2,100 થી વધુ યુએલબી 30 જૂન, 2022 સુધીમાં તેને સૂચિત કરશે.
રાજ્યોએ આ પગલાં ભરવા પડશે
સરકારે એડવાઈઝરીમાં એવું પણ જણાવ્યું કે દેશને પ્લાસ્ટિક મુક્ત કરવાની દિશામાં રાજ્યોએ મોટી ભૂમિકા ભજવવાની છે અને તેમણે જે વિવિધ કામો કરવાના છે તેમાં મોટાપાયે સાફસફાઈ, સફાઈ અભિયાન, પ્લાસ્ટિક વેસ્ટ કલેક્શન અને વૃક્ષારોપણ જેવા પગલાં સામેલ છે. સ્વચ્છ ભારત મિશન-અર્બન 2.0 હેઠળ હાલમાં આવાસ અને શહેરી બાબતોના મંત્રાલય દ્વારા અમલમાં મુકવામાં આવી રહ્યું છે, SUP નાબૂદી સહિત પ્લાસ્ટિક-કચરાનું વ્યવસ્થાપન એ એક નિર્ણાયક ક્ષેત્ર છે.
આવતીકાલે વિશ્વ પર્યાવરણ દિવસ
ઉલ્લેખનીય છે કે દર વર્ષે 5 જૂને વિશ્વ પર્યાવરણ દિવસ ઉજવવામાં આવે છે અને આ દિવસે સમગ્ર દુનિયામાં પર્યાવરણ સંબંધિત કાર્યક્રમો ગોઠવાતા હોય છે.