એલપીજી સિલિન્ડરના ભાવને નિયંત્રિત કરવા માટે સરકાર મોટું પગલું ભરી શકે છે. સરકાર ભાવ નિયંત્રણ માટે વધારાની સબસિડી જાહેર કરી શકે છે.
LPG ના ભાવ થશે હવે નિયંત્રણ
સરકાર આપશે ઓઈલ કંપનીને સબસીડી
વધારાની 30,000 કરોડ રૂપિયાની સબસીડી મળશે
એલપીજી સિલિન્ડરના ભાવને નિયંત્રિત કરવા માટે સરકાર મોટું પગલું ભરી શકે છે. સૂત્રોના જણાવ્યા અનુસાર સરકાર આ માટે વધારાની સબસિડી જાહેર કરી શકે છે. ઓઇલ કંપનીઓને અપાતી સબસિડીની રકમ 25,000-30,000 કરોડ રૂપિયાની વચ્ચે હોઇ શકે છે. અંદાજિત રકમ નાણાકીય વર્ષ 2022-23ના બજેટ અંદાજમાં ફાળવવામાં આવેલી 58,012 કરોડ રૂપિયાની એલપીજી સબસિડી ઉપરાંત હશે.
વધારની સબસીડી આપવા પર ગંભીર વિચાર
સૂત્રોના હવાલાથી 12 સપ્ટેમ્બરે કહ્યું હતું કે સરકાર વધારાની સબસિડી આપવા પર ગંભીરતાથી વિચાર કરી રહી છે. કેન્દ્રની ઉજ્જવલા યોજના માટે વધારાની સબસિડી પહેલેથી જ બજેટમાં ફાળવવામાં આવેલી સબસિડીથી અલગ હશે. સરકારી તેલ કંપનીઓએ તાજેતરમાં જ 19.2 કિલોના કોમર્શિયલ એલપીજી સિલિન્ડરની કિંમતમાં 91.50 રૂપિયા પ્રતિ સિલિન્ડરનો ઘટાડો કર્યો હતો. કિંમતમાં ઘટાડા બાદ દિલ્હીમાં કોમર્શિયલ સિલિન્ડરનો રેટ 1,976 રૂપિયાથી ઘટીને 1885 રૂપિયા થઈ ગયો છે.
ઘરેલુ સિલિન્ડરના દરમાં સતત વધારો થઈ રહ્યો છે
14.2 કિલોના ઘરેલુ એલપીજી સિલિન્ડરના ભાવમાં સતત વધારો થઈ રહ્યો છે. ઘરેલું સિલિન્ડરના દરમાં વધારાની અસર સામાન્ય માણસના ખિસ્સા પર ખૂબ જ પડી છે. છેલ્લા એક વર્ષમાં એલપીજી સિલિન્ડરની કિંમતમાં 244 રૂપિયાનો વધારો થયો છે. છેલ્લે જુલાઇમાં તેના રેટમાં 50 રૂપિયા પ્રતિ સિલિન્ડરનો વધારો કરવામાં આવ્યો હતો. હાલમાં, સબસિડી વિનાના એલપીજી (ઉજ્જવલા સિવાય)ના 14.2 કિલોના સિલિન્ડરની દિલ્હીમાં કિંમત 1,053 રૂપિયા છે. સાથે જ ઉજ્જવલા યોજનાના લાભાર્થીઓને 853 રૂપિયામાં મળી રહી છે.
આ છે રેટ વધારાનું કારણ
કેટલીક વૈશ્વિક ફેક્ટરીઓનો એલપીજીનો દર વધારવામાં હાથ છે. કોવિડ-19 મહામારી બાદ અર્થતંત્રમાં રિકવરી અને ત્યારબાદ રશિયાએ યુક્રેન પર કરેલા હુમલાને પગલે વૈશ્વિક બજારમાં ઓઇલ અને ગેસના ભાવમાં મોટો ઉછાળો આવ્યો છે. છેલ્લા બે વર્ષમાં દિલ્હીમાં એલપીજીની કિંમતમાં 28 ટકાનો વધારો થયો છે. તે જ સમયે, ગેસના ભાવનું આંતરરાષ્ટ્રીય બેંચમાર્ક, સાઉદી સીપી, આ સમયગાળામાં 300 ટકા ઉછળ્યું છે.