કોરોના વાયરસ / ત્રીજી લહેરની ચેતવણી પર કેન્દ્ર એલર્ટ : રાજ્યોને પત્ર લખી કહ્યું, ગ્રાઉન્ડ હકિકત જોઈને કરો આ કામ

• પ્રતિબંધોમાં છૂટ જમીની હકિકત જાણ્યા બાદ આપવી- ગૃહ મંત્રાલય
• ગૃહ મંત્રાલયનો રાજ્ય - કેન્દ્ર શાસિત પ્રદેશોને પત્ર
•  ટેસ્ટ- ટ્રેક- ટ્રીટ અને વેક્સીનેશનને મહત્વ આપવું જોઈએ- કેન્દ્ર

કોરોનાની બીજી લહેરે ભારે તબાહી મચાવી છે. જેમાં રાજ્યોએ લોકડાઉન લગાવ્યું હતુ. ત્યારે કેસની સંખ્યા ઘટી હતી. એ બાદ નોકરી ધંધાને લઈને અનેક રાજ્યોમાં છૂટ અપાઈ રહી છે.  જેને પગલે અનેક જગ્યાએ ભીડ જોવા મળી. 

 ટેસ્ટ- ટ્રેક- ટ્રીટ અને વેક્સીનેશનને મહત્વ આપવું જોઈએ- કેન્દ્ર

કેન્દ્ર સરકાર દ્વારા ભીડને જોતા તમામ રાજ્યોને ચતવણી આપવામાં આવી કે સાવધાનીપૂર્વક એક્ટિવિટીઝમાં વધારો કરવો જોઈએ. કેન્દ્ર તરફથી કહેવામાં આવ્યું છે કે ટેસ્ટ- ટ્રેક- ટ્રીટ અને વેક્સીનેશનને મહત્વ આપવું જોઈએ.

 2 મહિનામાં ત્રીજી લહેર ભારતમાં એન્ટ્રી કરી શકે - ગુલેરિયા

કેન્દ્ર સરકાર તરફથી આ નિર્દેશ એમ્સના નિર્દેશક રણદીપ ગુલેરિયાની એ ચેતવણી બાદ આપવામાં આવ્યા છે જેમાં તેમણે કહ્યું હતું કે આવનાર 6થી 8 અઠવાડિયામાં એટલે કે 2 મહિનામાં ત્રીજી લહેર ભારતમાં એન્ટ્રી કરી શકે છે.

આવનારા 6થી 8 અઠવાડિયામાં કેસ વધવા લાગશે - ગુલેરિયા

એમ્સના ચીફે એક ન્યૂઝ ચેનલ સાથે વાતચીત દરમિયાન નિવેદન આપ્યુ છે.  તેમણે કહ્યુ કે આપણે અનલોકની પ્રક્રિયા શરુ કરી દીધી છે અને ફરીથી કોરોનાના નિયમોના પાલન કરવામાં બેદરકારી દેખાઈ રહી છે.  એવું લાગે છે કે પહેલી અને બીજી લહેરમાં જે કંઈ થયું તેનાથી આપણે કંઈ ન શીખ્યા. ભીડ ભેગી થઈ રહી છે. લોકો ભેગા થઈ રહ્યા છે. રાષ્ટ્રીય સ્તર પર કોરોના સંક્રમણના આંકડા વધવામાં સમય લાગશે. પરંતુ આવનારા 6થી 8 અઠવાડિયામાં કેસ વધવા લાગશે અથવા થોડા સમય પછી. આ બધું નિર્ભર કરે છે આપણે કેવી રીતે નિયમોનું પાલન કરી રહ્યા છીએ અને ભીડ ભેગી થતા રોકી રહ્યા છીએ.

કેન્દ્રનો રાજ્યોને પત્ર

આ ચેતવણીની વચ્ચે કેન્દ્રીય ગૃહ સચિવ અજય ભલ્લાએ શનિવારે રાજ્ય તથા કેન્દ્ર શાસિત પ્રદેશોના મુખ્ય સચિવોને પત્ર લખ્યો. તેમણે કહ્યું કે રાજ્યોમાં ટેસ્ટ ટ્રૈક અને ટ્રીટની રણનીતિઓ ચાલુ રાખવા કહેવામાં આવ્યું છે. તેમણે કહ્યું છે કે એ સુનિશ્ચિત કરવું જોઈએ કે ટેસ્ટિંગ રેટ ઓછો ન થાય આ ઉપરાંત રાજ્યોથી રસીકરણની સ્પીડ વધારવી જોઈએ.   ગૃહ મંત્રાલય તરફથી જારી પત્રમાં કહેવામાં આવ્યું છે કે સંક્રમણને રોકવા લગાવવામાં આવેલા પ્રતિબંધોમાં છૂટ જમીની હકિકત જાણ્યા બાદ આપવી જોઈએ. આ કામ સંપૂર્ણ સતર્કતાની સાથે કરવામાં આવવું જોઈએ.