INX મીડિયા મામલે લાગે છે કે હજી બીજી કેટલીક ધરપકડ બાકી છે. કેન્દ્ર સરકારે હાલમાં આપેલા આદેશ આ વાત તરફ ઇશારો કરી રહ્યું છે જેમાં સરકારે નીતિ આયોગના પૂર્વ CEO વિરુધ્ધ CBIને કેસ ચલાવવાની મંજૂરી આપી છે.
સરકારે અગાઉ પી. ચિદમ્બરમ સામે કેસ ચલાવવા આપી હતી મંજૂરી
નીતિ આયોગની પૂર્વ CEO સિંધુશ્રી ખુલ્લર સામે કેસ દાખલ કરવા મંજૂરી આપી
નીતિ આયોગના પૂર્વ CEO સામે CBIને કેસ ચલાવવા મંજૂરી
સરકારના આ આદેશ અંગે એક અધિકારીએ કહ્યું કે કેન્દ્ર સરકારે CBI ને નીતિ આયોગની પૂર્વ CEO સિંધુશ્રી ખુલ્લર સામે કેસ દાખલ કરવાની મંજૂરી આપી દીધી છે. સિંધુશ્રી ખુલ્લરની સાથે સરકારે સૂક્ષ્મ, લઘૂ અને મધ્યમ ઉદ્યોગ મંત્રાલયના પૂર્વ સચિવ અનૂપ કે. પૂજારી, નાણા મંત્રાલયમાં તત્કાલીન નિદેશક પ્રબોધ સક્સેના અને આર્થિક મામલા વિભાગના પૂર્વ મંત્રી રવિન્દ્ર પ્રસાદ વિરુધ્ધ કેસ ચલાવવાની મંજૂરી આપી છે.
અગાઉ સરકારે પી. ચિદમ્બરમ સામે કેસ ચલાવવા આપી હતી મંજૂરી
કેન્દ્ર સરકારે આ વર્ષે ફેબ્રુઆરીમાં પી. ચિદમ્બરમ સામે કેસ ચલાવવાની મંજૂરી આપી હતી. જો કે ત્યારબાદ CBIએ ઝડપથી કાર્યવાહી કરતાં ધરપકડ કરી હતી. સિંધુશ્રી ખુલ્લર 2004 અને 2008 દરમિયાન આર્થિક મામલા વિભાગમાં અધિક સચિવ તરીકે કાર્યરત રહી ચૂક્યાં છે. ખુલ્લર અને પૂજારી 2006 અને 2010 દરમિયાન સંયુક્ત સચિવ હતા.
ચિદમ્બરમના કાર્યકાળ દરમિયાન FIPB પર લગાવાયો હતો આરોપ
CBI દ્વારા 15 મે 2017માં વિદેશી નિવેશ સંવર્ધન બોર્ડ (FIPB)માં અનિયમિતતાનો આરોપ લગાવતાં INX મીડિયાને 2007માં વિદેશી ધનરાશિ પ્રાપ્ત કરવાના આરોપ હેઠળ FIR દાખલ કરવામાં આવી હતી. આ સમયે યૂપીએ સરકારમાં પી. ચિદમ્બરમ નાણામંત્રી હતા.