ચિંતાજનક / કેરળ બાદ હવે પૂર્વોત્તરનાં આ રાજ્યમાં કોરોનાએ ચિંતા વધારી, કેન્દ્રએ મોકલી ટીમ

• મિઝોરમમાં કોરોનાના વધતા કેસોએ સરકારની ટેન્શન વધારી
• કેન્દ્ર સરકારે ચાર સભ્યોની ટીમને મિઝોરમ મોકલી
• ટીમ જિલ્લાના મુખ્ય ચિકિત્સા અધિકારીઓ સાથે વધું એક ડિજિટલ બેઠક કરશે

કેન્દ્ર સરકારે ચાર સભ્યોની ટીમને મિઝોરમ મોકલી

આ દરમિયાન કેન્દ્ર સરકારે ચાર સભ્યોની ટીમને સ્થિતિનું નિરિક્ષણ કરવા માટે મિઝોરમ મોકલી છે. રાષ્ટ્રીય રોગ નિયંત્રણ કેન્દ્ર (એનસીડીસી)ના સલાહકાર- મહામારી વિજ્ઞાની ડો. વિનીતા ગુપ્તાના નેતૃત્વમાં આ ચાર સભ્યોની કેન્દ્રીય ટીમ મંગળવારે મિઝોરમની રાજધાની આઈજોલ પહોંચી.

સીએમઓની સાથે બેઠક કરી અને સ્થિતિને પહોંચી વળવાની રીત પર ચર્ચા

એક સત્તાવાર નિવેદનમાં જાણકારી આપવામાં આવી. મંગળવારે રાજ્યની રાજધાનીમાં ટીમના પહોંચવાના તાત્કાલીક  બાદ આ સભ્યોએ રાજ્યના એકીકૃત રોગ ઓબ્જર્વેશન કાર્યક્રમ (આઈડીએસપી)ના અધિકારીઓ, આઈજોલ પૂર્વ અને આઈજોલ પશ્ચિમના મુખ્ય ચિકિત્સા અધિકારીઓ(સીએમઓ)ની સાથે બેઠક કરી અને સ્થિતિને પહોંચી વળવાની રીત પર ચર્ચા કરી.

ટીમ જિલ્લાના મુખ્ય ચિકિત્સા અધિકારીઓ સાથે વધું એક ડિજિટલ બેઠક કરશે

નિવેદનમાં કહેવામાં આવ્યું કે ટીમ રાજ્ય ભરમાં બિમારીના પ્રસારને નિયંત્રિત કરવા માટે કરવામાં આવી રહેલા ઉપાયોની સમીક્ષા માટે બુધવારે વિભિન્ન જિલ્લાના મુખ્ય ચિકિત્સા અધિકારીઓની સાથે વધું એક ડિજિટલ બેઠક કરશે.

ટીમ આઈજોલમાં કોવિડ 19 ક્વોરેન્ટાઈન સ્થળોની મુલાકાત લેશે

કેન્દ્રીય ટીમના સભ્ય દિવસમાં આઈજોલ પશ્ચિમમાં કોવિડ 19 ક્વોરેન્ટાઈન સ્થળોની મુલાકાત કરશે. સ્વાસ્થ્ય વિભાગના એક અધિકારીએ કહ્યું કે મિઝોરમમાં મંગળવારે કોરોના સંક્રમણના 1681 નવા મામલા આવ્યા બાદ સંક્રમિતોની કુલ સંખ્યા વધીને 99,856 થઈ ગઈ તથા 5 વધું રોગીઓના મોત બાદ મૃતકોની સંખ્યા 331 પહોંચી ગઈ છે.