ગુજરાતમાં કોરોના કેસોનો આંક સતત વધી રહ્યો છે. જો કે, આ વચ્ચે સારી વાત એ છે કે, રાજ્યમાં દર્દીઓ સાજા થવાના અને મોતનાં કેસોમાં ઘટાડો થયો છે. રાજ્યમાં કોરોનાની સ્થિતિને લઈ કેન્દ્રીય આરોગ્ય ટીમ સતર્ક જોવા મળી છે. આજથી 29 જૂન સુધી કેન્દ્રીય આરોગ્યની ટીમ ગુજરાતની હોસ્પિટલોની મુલાકાત લેશે. આજે અમદાવાદના ઘાટલોડિયાના કન્ટેનમેન્ટ ઝોનમાં કેન્દ્રની ટીમે મુલાકાત લીધી છે.
કોરોનાની સમિક્ષા કરવા રાજ્યમાં કેન્દ્રની ટીમના ધામા
કેન્દ્રની આરોગ્ય ટીમ કોરોના સંકટને લઇને અમદાવાદની મુલાકાતે પહોંચી છે. ગોતા-ઘાટલોડિયાની મુલાકાત બાદ માનસી સર્કલ પાસેના સેટેલાઇટ સેન્ટરની મુલાકાત લીધી. જો કે કોર્પોરેશન દ્વારા ટીમ આગલ સારી છાપ છોડવા માટે સ્ટીકર મારવામાં આવ્યાં.
જો કે પ્રાપ્ત મળતી વિગત અનુસાર કેન્દ્રની ટીમ દ્વારા સવાલનો જવાબ ન આપી શકતાં અધિકારીઓ નારાજ થયા જોવા મળ્યાં. કેન્દ્રની ટીમે અમદાવાદ મ્યુનિસિપલ કોર્પોરેશનના અધિકારીઓની ઝાટકણી કાઢી.
કેન્દ્રની આરોગ્ય વિભાગની ટીમે ભાવિન સોલંકી અને તેની ટીમની જોરદાર ઝાટકણી કાઢી. કેન્દ્રીય આરોગ્ય વિભાગની ટીમે મહાનગર પાલિકા આરોગ્યને અનેક પ્રશ્નો પૂછતાં તેના યોગ્ય જવાબ આપી શક્યા નહીં.
જો આ ફ્લેટને કન્ટેઈનમેન્ટ ઝોન 19 જૂને બનાવ્યો, કેસ મે મહિનાથી આવતા હતા તો કેમ મોડા પડ્યા?
28 મે એ કેસ આવ્યો તો આટલા મોડા કેમ પડ્યા?
આ ઝોનને કોણ મેનેજ કરે છે, એ મને માહિતી આપે
28 એ પહેલો, પછી જૂન મહિનામાં કેસ આવ્યો... પછી 2 અને 10 જૂને કેસ આવ્યો
1 અઠવાડિયા પહેલા તમે કેમ કન્ટેનમેન્ટ ઝોન તરીકે ડિકલેર કર્યો
રાજ્યમાં વધતા કોરોનાનાના પોઝિટિવ કેસને લઇને કેન્દ્રની ટીમ એકશનમાં જોવા મળી છે. આજથી 29 તારીખ સુધી ગુજરાતની મુલાકાતે આવી પહોંચી છે. ત્યારે કેન્દ્રની ટીમ આજે અમદાવાદ શહેરના અલગ-અલગ વિસ્તારોની મુલાકાત લઇને નિરીક્ષણ કરશે.
કોરોનાની સમીક્ષા કરવાને લઇને ગુજરાત પહોંચેલી ટીમે અમદાવાદના ગોતા, ઘાટલોડિયા વિસ્તારમાં નિરીક્ષણ કરવામાં આવ્યું છે. ત્યાર બાદ કેન્દ્રીય આરોગ્યની ટીમ માનસી ચાર રસ્તા પાસે આવેલા પરીક્ષણ કેન્દ્રની મુલાકાતે પહોંચી.
કેન્દ્રીય સ્વાસ્થ્ય વિભાગના સંયુક્ત સચિવ લવ અગ્રવાલની અધ્યક્ષતામાં ગુજરાતની મુલાકાતે પહોંચી છે. ત્યારે અમદાવાદ ખાતે AMC કમિશ્નર, અમદાવાદના કલેકટર, હોસ્પિટલના ડોકટરો અને આરોગ્યના અઘિકારીઓ સાથે કેન્દ્રીય આરોગ્યની ટીમ બેઠક કરશે. કેન્દ્રીય આરોગ્ય ટીમ દ્વારા હોસ્પિટલોમાં વ્યવસ્થા સહિતની બાબોતમાં સુચન આપવામાં આવશે. કેન્દ્રીય આરોગ્યની ટીમ ગાંધીનગર ખાતે મુખ્યમંત્રી વિજય રૂપાણી સાથે મુલાકાત પણ કરશે.