યોજના / મનરેગા બાદ મોદી સરકાર હવે આ યોજનાથી આપશે 30 હજાર કરોડ રૂપિયા

• કેન્દ્ર સરકારે જળ જીવ મિશન સ્કીમની શરૂઆત કરી 
• 14.8 પરિવારોને ઘરમાં પાણીનું કનેક્શન પહોંચશે 

રાજ્યોની પાસેથી પહેલેથી જ 6,429.92 કરોડ રૂપિયા છે અને 2020-21માં બાકીના 22,695.50 કરોડની ફાળવણી કરવામાં આવી છે. તેનાથી સુનિશ્ચિત થશે કે રાજ્યો સાથે રૂપિયા 29,125.42 કરોડ ઉપલબ્ધ થશે. મંત્રાલયના જણાવ્યા અનુસાર પહેલો હપતો પહેલાથી જ રાજ્યોને આપવામાં આવ્યો છે, જેને પૈસાની જરૂર હતી.

રોજગારીની નવી તક ઉભી થશે 

2020-21 માટે ફાળવેલ નાણાંમાંથી 11,500 રૂપિયા બજેટમાં ફાળવવામાં આવ્યા હતા અને વધારાના બજેટ તરીકે 12 હજાર કરોડ ફાળવવામાં આવ્યા છે. પીએમ મોદીએ 15 ઓગસ્ટ 2019 ના રોજ જાહેરાત કરી હતી કે આ મિશન ગ્રામીણ અર્થવ્યવસ્થાને વેગ આપશે અને રોજગારની નવી તકો પણ ઉભી કરશે.

વ્યક્તિ દીઠ 55 લિટર પીવાનું પાણી પુરૂ પાડવામાં આવશે

આ યોજના હેઠળ પાઇપલાઇન દ્વારા વ્યક્તિ દીઠ 55 લિટર પીવાનું પાણી પુરૂ પાડવામાં આવશે. જેમાં ગામડાઓમાં પાણીની લાઇનો નાખવામાં આવશે અને દરેક રીતે જળસંગ્રહની વ્યવસ્થા કરવામાં આવશે. જળ ઉર્જા મંત્રાલયે તમામ રાજ્યોને તાકીદે આ યોજના પર કામ શરૂ કરવા નિર્દેશ આપ્યો છે.