તમારા કામનું / દીકરીના લગ્ન માટે કેન્દ્ર સરકાર આપે છે 51 હજાર રૂપિયા, જાણો કોને મળશે લાભ અને શું છે પ્રોસેસ

• કેન્દ્ર સરકારની શાદી શગુન યોજના
• લધુમતી સમાજની દિકરીઓ માટે ખાસ યોજના
• કેન્દ્ર સરકાર આપે છે 51 હજાર રુપિયા 

સરકાર દ્વારા અનેક પ્રકારની યોજના અમલમાં મુકવામાં આવે છે. જેનો હેતુ જરૂરિયાતમંદ અને ગરીબ વર્ગને લાભ આપવાનો છે.  રાશન યોજના, રોજગાર યોજના સહિત અનેક કલ્યાણ કારીઓ યોજનાઓ સરકાર દ્વારા ચલાવવામાં આવે છે.ત્યારે વાત કરીએ એવી એક વિશેષ યોજનાની જેનો લાભ મળે છે દિકરીઓને. જી હા, કેન્દ્ર સરકાર દ્વારા દેશની દિકરીઓ માટે ખાસ યોજના ચલાવવામાં આવે છે જેનું નામ છે પ્રધાનમંત્રી શાદી શગુન યોજના. 

શાદી શગુન યોજનાનો કોને મળે છે લાભ ?

દેશની લઘુમતી સમાજની છોકરીઓમાં ઉચ્ચ શિક્ષણને પ્રોત્સાહન આપવાના ઉદ્દેશ્યથી આ યોજના શરૂ કરવામાં આવી છે. જેમાં આર્થિક લાભ આપવામાં આવે છે, જેથી છોકરીઓને કોઈપણ પ્રકારની સમસ્યાનો સામનો ન કરવો પડે. તો ચાલો અમે તમને આ પ્રધાનમંત્રી શાદી શગુન યોજના વિશે વિગતવાર જણાવીએ. 

શું છે આ યોજના?

આ યોજના લઘુમતી સમુદાયની છોકરીઓ માટે શરૂ કરવામાં આવી છે અને આ યોજના કેન્દ્ર સરકાર દ્વારા ચલાવવામાં આવી રહી છે. લગ્ન પહેલા ગ્રેજ્યુએશન પૂર્ણ કરનાર લઘુમતી સમાજની દિકરીઓને 51 હજાર રુપિયાની રકમ આપવામાં આવે છે. 

ક્યારથી થઇ યોજનાની  શરૂઆત ?

આ યોજના 8 ઓગસ્ટ 2017 ના રોજ શરૂ કરવામાં આવી હતી. દેશના મુસ્લિમ સમુદાયની છોકરીઓમાં ઉચ્ચ શિક્ષણને પ્રોત્સાહન આપવાના ઉદ્દેશ્ય સાથે કેન્દ્રીય લઘુમતી મંત્રાલય હેઠળ શાદી શગુન યોજનાની દરખાસ્ત કરવામાં આવી હતી.

કોણ લાભ લઈ શકે?

શાદી શગુન યોજનાનો લાભ એવી મુસ્લિમ છોકરીઓને મળે છે જેમણે શાળા કક્ષાએ બેગમ હઝરત મહેલ રાષ્ટ્રીય શિષ્યવૃત્તિ મેળવી હોય. બેગમ હઝરત મહેલ રાષ્ટ્રીય શિષ્યવૃત્તિ લઘુમતી સમુદાયો એટલે કે મુસ્લિમ, ખ્રિસ્તી, શીખ, બૌદ્ધ, જૈન અને પારસી સમુદાયોની છોકરીઓને આપવામાં આવે છે.

વેબસાઇટ પર મેળવો વધુ માહિતી

તમે કેન્દ્ર સરકારના લઘુમતી કલ્યાણ મંત્રાલય પાસેથી શાદી શગુન યોજના વિશે વધુ માહિતી મેળવી શકો છો. આ ઉપરાંત, તમે આ યોજના વિશે વધુ માહિતી માટે સત્તાવાર વેબસાઇટ https://maef.nic.in/schemes પર પણ જઈ શકો છો.