કેન્દ્રીય કર્મચારીઓને નોકરી દરમિયાન ઉચ્ચ ડિગ્રી હાંસલ કરવા બદલ મળતા ઇન્સેન્ટીવમાં 5 ગણો કરવામાં આવ્યો વધારો
કેન્દ્રીય કર્મચારીઓને આનંદો
ઇન્સેન્ટીવની રકમમાં કરવામાં આવ્યો વધારો
કેન્દ્રીય કર્મીઓને મળશે 5ગણું ઇન્સેન્ટીવ
જો તમે સેન્ટ્રલ ગર્વમેન્ટના કર્મચારી છો અને તમે ચાલુ નોકરીએ ઉચ્ચ ડિગ્રી મેળવો છો, તો હવે તમને મળશે એક્સ્ટ્રા ઇન્સેન્ટીવ. જી હા, કેન્દ્ર સરકાર,નોકરી કરતી વખતે ઉચ્ચ ડિગ્રી મેળવે તો ઇન્સેન્ટીવ આપે જ છે પરંતુ હવે ઇન્સેન્ટીવની રકમમાં 5 ગણો વધારો કર્યો છે. આ અંતર્ગત પીએચડી જેવી ઉચ્ચ ડિગ્રી ધરાવતા કર્મચારીઓ માટે પ્રોત્સાહક રકમ 10,000 રૂપિયાથી વધારીને 30,000 રૂપિયા કરવામાં આવી છે.
ઇન્સેન્ટીવમાં 5ગણો વધારો
કર્મચારી મંત્રાલયે 20 વર્ષ જૂના નિયમોમાં સુધારો કરીને ઉચ્ચ ડિગ્રી મેળવનારા કર્મચારીઓ માટે પ્રોત્સાહક રકમમાં વધારો કર્યો છે. જૂના નિયમો હેઠળ, અત્યાર સુધી, નોકરી દરમિયાન ઉચ્ચ ડિગ્રી હાંસલ કરનારા કર્મચારીઓને 2000 થી 10,000 રૂપિયા સુધીનું એકમ પ્રોત્સાહન આપવામાં આવતું હતું. પરંતુ સુધારા પછી, વર્ષ 2019 થી, આ પ્રોત્સાહન રકમ લઘુત્તમ રૂ. 2000 થી વધારીને રૂ. 10,000 કરવામાં આવી. એટલે કે હવે ઉચ્ચ ડિગ્રી હાંસલ કરવા પર કર્મચારીઓને વધુ પ્રોત્સાહન ભથ્થું મળશે.
કોને કેટલો થશે ફાયદો ?
કર્મચારી મંત્રાલયે જાહેર કરેલા સર્ક્યુલર અનુસાર 3 વર્ષ કે તેનાથી ઓછી ડિગ્રી ડિપ્લોમાં કરનારને 10 હજાર રુપિયા ઇન્સેન્ટીવ રુપે આપવામાં આવશે. 3 વર્ષથી વધારે ડિગ્રીકે ડિપ્લોમાં કરનારને 15 હજાર રુપિયા ઇન્સેન્ટીવ આપવામાં આવશે. જ્યારે રુ.20,000 એક વર્ષ કે તેથી ઓછા સમયના અનુસ્નાતક ડિગ્રી/ડિપ્લોમા કરવા માટે આપવામાં આવશે. 1 વર્ષથી વધુ સમયગાળાની અનુસ્નાતક ડિગ્રી/ડિપ્લોમા લેનારા કર્મચારીઓને રૂ. 25,000નું DA આપવામાં આવશે. તે જ સમયે, પીએચડી અથવા તેની સમકક્ષ લાયકાત પૂર્ણ કરનારાઓને 30,000 રૂપિયાનું પ્રોત્સાહન આપવામાં આવશે
ઇન્સેન્ટીવ મેળવવા આ નિર્દેશોનું પાલન જરુરી
શુદ્ધ શૈક્ષણિક શિક્ષણ અથવા સાહિત્યિક વિષયોમાં ઉચ્ચ લાયકાત પ્રાપ્ત કરવા માટે કોઈ પ્રોત્સાહન આપવામાં આવશે નહીં.
કર્મચારીએ મેળવેલી ડિગ્રી/ડિપ્લોમા કર્મચારીની પોસ્ટ સાથે સંબંધિત હોવી જોઈએ
આ ડિગ્રી તેની આગામી પોસ્ટમાં થઈ રહેલા કામ સાથે સંબંધિત હોવી જોઈએ.