MBBS , BDS પ્રવેશમાં આ અનામતનો લાભ કોને અને કેવી રીતે મળશે એ વિશે અમે તમને જણાવવા જઈ રહ્યા છીએ.
એમબીબીએસ અને બીડીએસ કોર્સ એડમિશનમાં વધુ એક ક્વોટા ઉમેરવામાં આવ્યો
આ શૈક્ષણિક સત્રથી જ આતંકવાદ પીડિતો આરક્ષણ ક્વોટા લાગુ
આ અનામતનો ફાયદો કોને મળશે?
મેડિકલ એડમિશનને લઈને કેન્દ્ર સરકારે એક મોટી જાહેરાત કરી છે અને એ મુજબ હવે એમબીબીએસ અને બીડીએસ કોર્સમાં દાખલામાં અનામતના નિયમમાં વધુ એક ક્વોટા ઉમેરવામાં આવ્યો છે. જણાવી દઈએ કે આ ક્વોટા આતંકવાદ પીડિતો માટેનો છે. આ શૈક્ષણિક સત્ર એટલે કે 2022-23થી Terror Victims Reservation Quota આતંકવાદ પીડિતો આરક્ષણ ક્વોટા લાગુ કરવામાં આવે આવશે. જો કે આ અંગે ઓફિશિયલ નોટિફિકેશન પણ જારી કરી દેવામાં આવ્યું છે. સેન્ટ્રલ પૂલ દ્વારા ઉમેદવારો આ ક્વોટાનો લાભ લઈ શકે છે. MBBS , BDS પ્રવેશમાં આ અનામતનો લાભ કોને અને કેવી રીતે મળશે એ વિશે અમે તમને જણાવવા જઈ રહ્યા છીએ.
કેન્દ્રીય ગૃહ મંત્રાલયના નિર્ણય અનુસાર જમ્મુ અને કાશ્મીરમાં આ જ શૈક્ષણિક વર્ષ એટલે કે 2022-23થી MBBS અને BDSમાં આતંકવાદ પીડિતો માટે ક્વોટા અનામત રાખવામાં આવશે અને આ આરક્ષિત મેડિકલ સીટ આતંકવાદ પીડિત બાળકો અને તેમના જીવનસાથી એટલે કે પતિ-પત્ની માટે માટે હશે.
આ અનામતનો ફાયદો કોને મળશે?
આતંકવાદ પીડિતો માટે લાવવામાં આવેલી નવી અનામત નીતિ હેઠળ પ્રાથમિકતાઓને ત્રણ કેટેગરીમાં વહેંચવામાં આવી
પહેલી પ્રાથમિકતા - એવા બાળકો કે જેમના માતા અને પિતા બંને આતંકવાદી હુમલામાં માર્યા ગયા હોય બીજી પ્રાથમિકતા - એવા બાળકો કે જેમના પરિવારમાં એકમાત્ર કમાનાર વ્યક્તિ આતંકવાદી હુમલામાં માર્યા ગયા હોય ત્રીજી પ્રાથમિકતા - એવા બાળકો કે જેમના માતા-પિતા આતંકવાદી હુમલામાં હંમેશ માટે દિવ્યાંગ કે ગંભીર રીતે ઘાયલ થયા હોય
આ અનામતના દાયરામાં એવા ઉમેદવારો જ આવશે જેઓ જમ્મુ અને કાશ્મીરના સ્થાયી રહેવાસી અથવા કેન્દ્ર/રાજ્ય/કેન્દ્રશાસિત પ્રદેશના સરકારી કર્મચારી હોય જેમની પોસ્ટિંગ જમ્મુ અને કાશ્મીરમાં કરવામાં આવી છે. આ સાથે જ જમ્મુ અને કાશ્મીરમાં પ્રતિનિયુક્તિ પર કામ કરતા કેન્દ્ર, રાજ્ય અથવા UT કર્મચારીઓના બાળકો પણ આ આરક્ષણના દાયરામાં આવશે. જણાવી દઈએ કે આ માટેની છેલ્લી તારીખ 11 નવેમ્બર 2022 છે.
J&K Central Pool - કેવી રીતે કરવું અપ્લાઇ
આ નિર્ણયને ધ્યાનમાં રાખીને જમ્મુ કાશ્મીર પ્રોફેશનલ એન્ટ્રન્સ એક્ઝામિનેશન બોર્ડ એટલે કે BOPEE એ આ માટે અરજીઓ માંગી છે. ઉપરોક્ત જણાવેલ લાયકાત પૂરી કરનાર વિદ્યાર્થીઓ જમ્મુ અને કાશ્મીરમાં સેન્ટ્રલ પૂલ હેઠળ મેડિકલમાં પ્રવેશ માટે અરજી કરી શકે છે.
આ સિવાય jkbopee.gov.in પર જઈને ડિટેલ ચેક કરીને એડમિશન માટે અપ્લાઇ કરી શકો છો. જણાવી દઈએ કે આ એડમિશન NEET સ્કોર પર આધારિત હશે અને NEET UG માં 50 પર્સેન્ટાઈલ માર્કસ જરૂરી છે. આ સિવાય ફિઝિક્સ, કેમેસ્ટ્રી બાયોલોજી/બાયોટેક્નોલોજી અને અંગ્રેજી સાથે 12માં ઓછામાં ઓછા 50 ટકા માર્ક્સ સાથે પાસ. SC, ST, OBC માટે આ માપદંડ 45 ટકા છે.