FactCheck / 18થી 40 વર્ષના લોકોને સરકાર આપી રહી છે દર મહિને 1800 રૂપિયા, જોઈ લો શું છે સચ્ચાઈ

• સોશિયલ મીડિયા પર વાયરલ પોસ્ટ
• મોદી સરકાર આપી રહી છે પૈસા
• વાયરલ મેસેજથી સાવધાન રહેજો

કેન્દ્ર સરકાર તરફથી કેટલીય સ્કીમ ચલાવામાં આવે છે. જે અંતર્ગત સરકાર આર્થિક મદદ કરે છે. સોશિયલ મીડિયા પર એક પોસ્ટ ઝડપથી વાયરલ થઈ રહી છે. જેમાં કહેવામાં આવી રહ્યું છે કે, સરકારી પીએમ માનધન યોજના અંતર્ગત 18 વર્ષથી 40 વર્ષ સુધીના લોકોને દર મહિને 1800 રૂપિયા આપી રહી છે. પીઆઈબીએ તેને લઈને ટ્વિટ કરીને સ્પષ્ટતા કરવી પડી છે. 

PIB એ કર્યું ટ્વિટ

પીઆઈબીએ આ પોસ્ટને જોઈ ત્યાર બાદ તેણે ફેક્ટ ચેક દ્વારા તેની સચ્ચાઈ વિશે લોકોને જણાવ્યુ છે. PIBએ પોતાના ટ્વિટમાં આ ફેક્ટ ચેક કરીને સચ્ચાઈ સામે લાવી છે કે શું હકીકતમાં સરકાર આવા લોકોને 1800 રૂપિયા દર મહિને આપી રહી છે કે, પછી આ પોસ્ટ નકલી છે. 

દર મહિને મળશે રૂપિયા

આપને જણાવી દઈએ કે, આ ટ્વિટમાં લખ્યું છે કે, એક ઓનલાઈન ફોર્મ ભરવાથી પ્રધાનમંત્રી માનધન યોજના અંતર્ગત કેન્દ્ર સરકાર 18થી 40 વર્ષની ઉંમરના લોકોને દર મહિને 1800 રૂપિયા આપી રહી છે. 

एक ऑनलाइन फॉर्म भरने पर प्रधानमंत्री मानधन योजना के तहत केंद्र सरकार 18 से 40 साल की उम्र के लोगों को हर महीने 1800 रुपए दे रही है।#PIBFactCheck

▶️यह दावा फ़र्ज़ी है।
▶️यह एक पेंशन योजना है। लाभार्थियों को 60 साल की उम्र के बाद ही पेंशन मिलेगी।

🔗https://t.co/B0pgsqbtDE pic.twitter.com/X8usHNjdLW

— PIB Fact Check (@PIBFactCheck) May 3, 2022

60 વર્ષની ઉંમર બાદ મળશે પેન્શન

જ્યારે તેને લઈને ફેક્ટ ચેક સામે આવ્યું તે, તેના વિશે ખબર પડી કે, આ એકદમ ખોટી વાત છે કારણ કે, પીએમ માનધન યોજના એક પેન્શન સ્કીમ છે. જેમાં લાભાર્થીઓને 60 વર્ષની ઉંમર બાદ પેન્શન મળે છે. આ અગાઉ સરકાર કોઈને પણ રૂપિયા આપતી નથી.

ચેક કરી શકો છો ઓફિશિયલ લિંક

આપને જણાવી દઈએ કે, કોઈ પણ સરકારી યોજના વિશે આપ સરકારી વેબસાઈટ પરથી જ જાણકારી મેળવી શકો છે અને તેના ખરાઈ કરી શકો છો. આ ઉપરાંત આપ ઓફિશિયલ લિંક https://maandhan.in/shramyogi પર પણ જઈને મુલાકાત લઈ શકો છો. 

આ પ્રકારના મેસેજથી રહેજો સાવધાન

પીઆઈબીએ ફેક્ટ ચેક બાદ આ મેસેજને સમગ્ર પણે નકલી ગણાવ્યો છે. પીઆઈબીએ જણાવ્યું હતું કે, સોશિયલ મીડિયા પર વાયરલ થઈ રહેલા આ મેસેજથી તમામ લોકો સાવધાન રહે. પીઆઈબીએ લોકોને મેસેજ આગળ ફોરવર્ડ નહીં કરવા કહ્યું હતું. એક મેસેજના ચક્કરમાં આવીને આપ આપની પર્સનલ જાણકારી પૈસા ખતરામાં નાખી દેશો.

આપ પણ કરી શકો છો ફેક્ટ ચેક

જો આપની પાસે પણ આવા કોઈ પણ પ્રકારના મેસેજ આવે છે, તો આપ તેની સચ્ચાઈ ઘરે બેઠા જાણી શકો છો. આપ પીઆઈબી દ્વારા ફેક્ટ ચેક કરાવી શકો છો. તેના માટે આપે ઓફિશિયલ લિંક https://factcheck.pib.gov.in/  ક્લિક કરવાનું રહેશે. આ ઉપરાંત વોટ્સએપ નંબર +918799711259  અથવા ઈમેલ [email protected] પર વીડિયો મોકલી શકો છો.