કેન્દ્ર સરકારે સોમવારે સુપ્રીમ કોર્ટને પોતાની પ્રતિક્રિયામાં જણાવ્યું હતું કે બેંકો સાથે ગોટાળો કરવાના આરોપી વિજય માલ્યાને લંડનથી ભારત લાવવાના બધા પ્રયત્નો શરુ જ છે જો કે તેના કેસમાં ચાલી રહેલી અમુક કાયદાકીય કાર્યવાહીઓના લીધે આ પ્રક્રિયામાં મોડું થઇ રહ્યું છે.
સુપ્રીમમાં કેન્દ્રનો જવાબ, સરકાર પ્રયત્નશીલ છે
વિજય માલ્યાના પ્રત્યર્પણ મામલે રિપોર્ટ દાખલ કરવા કેન્દ્રે માંગ્યો સમય
15 મી માર્ચ સુધી આ કેસની સુનાવણી સ્થગિત કરી દેવામાં આવી
મહત્વનું છે કે એક સમયે લિકર કિંગ અને કિંગ ઓફ ગુડ ટાઈમ્સ કહેવાતા વિજય માલ્યા ઉપર ભારતીય બેંકોના 9 હજાર કરોડ રૂપિયા ચાઉં કરી જવાનો આરોપ છે, અને તે હાલમાં લંડનમાં હોવાથી ભારતીય એજન્સીઓએ તેના પ્રત્યાર્પણ માટેની ત્યાંના તંત્રને અનુરોધ કર્યો હતો હાલમાં ત્યાંની અદાલતમાં કેસ ચાલી રહ્યો છે.
સોલિસિટર જનરલ તુષાર મેહતાએ માંગ્યો સમય
ન્યાયમૂતિ યુ યુ લલિત અને ન્યાયમૂર્તિ અશોક ભૂષણની બેન્ચને સોલિસિટર જનરલ તુષાર મહેતાએ વિજય માલ્યાના પ્રત્યાર્પણના મામલે એક રિપોર્ટ દાખલ કરવા અંગે થોડો સમય માંગ્યો હતો જેના પછી બેન્ચે આ કેસની સુનાવણી 15 સ્થગિત કરી દીધી હતી.
વિડીયો કોન્ફ્રન્સ દ્વારા કેસની કાર્યવાહી શરુ થતા સોલિસિટર જનરલે બેન્ચને વિદેશ મંત્રાલયના અધિકારી દેવેશ ઉત્તમ દ્વારા અપાયેલ પત્ર સોંપ્યો હતો, જેમાં લખાયું હતું કે વિદેશ મંત્રાલયે બ્રિટિશ સરકારની સાથે દરેક સ્તરે આ મામલે વાતચીત કરી છે અને તે ચાલુ જ છે. જો કે આ સાથે જ આ પત્રમાં એવું કહેવાયું છેકે માલ્યાના કેસમાં એક કાયદાલીય અડચણ છે જેને પહેલા ઉકેલવી ખૂબ જ જરૂરી છે, અને બ્રિટનના નિયમ પ્રમાણે તેના ઉકેલ માલ્યાને પરત કરવાની પ્રોસેસ થઇ શકે તેમ નથી. જો કે વધુમાં કહેવાયું છે કે આ બાબત કાયદાકીય છે જેથી આ વિષયને ગોપનીય રાખવામાં આવ્યા છે.
બ્રિટેનની સર્વોચ્ચ અદાલતમાં કાર્યવાહી ચાલુ છે : કેન્દ્ર સરકાર
કેન્દ્ર સરકારે કહ્યું હતું એક બ્રિટેનની સર્વોચ્ચ અદાલતે માલ્યાની પ્રત્યાર્પણ કાર્યવાહીને ચાલુ રાખી છે અને જો કે હાલમાં એવું નથી થઇ રહ્યું. કોર્ટે જો કે માલ્યાને અદાલતના આદેશોનું ઉલ્લંઘન કરતા તેના બાળકોના ખાતામાં પડેલા ચાર કરોડ અમેરિકી ડોલર ટ્રાન્સફર કરવાના મામલે 2017માં દોષી ઠેરવ્યો હતો.