ઈન્ડિયન પોસ્ટ ડિપાર્ટમેન્ટમાં બંપર ભરતીઓ થવાની છે. અહીં ઉમેદવારો 3 ડિસેમ્બર સુધી અરજી કરી શકશે. પહેલાં અરજી કરવાની અને ફીસ જમા કરવાની તારીખ 1 નવેમ્બરથી 30 નવેમ્બર સુધી હતી પણ પછી તેને એક્સટેન્ડ કરવામાં આવી અને 3 ડિસેમ્બર 2019 સુધી થઈ છે. ગ્રામીણ ડાક સેવક (GDS) પોસ્ટ માટે 3650 જગ્યા પર ભરતી કરવાની છે. શૈક્ષણિક લાયકાતમાં 10મું ધોરણ પાસ હોવું જરૂરી છે અને વય મર્યાદા લઘુત્તમ 18 વર્ષ અને મહત્તમ 40 વર્ષ છે. એપ્લાય કરવા માટે ગ્રામીણ ડાક સેવક (GDS)ની ઓફિશિયલ વેબસાઈટ http://www.appost.in/ પર જઈને અરજી કરી શકો છો.
રેલ્વેમાં 1104 પોસ્ટ માટે ભરતી કરવાની છે
CISFમાં 300 પોસ્ટ માટે ભરતી કરવાની છે
રેલ્વેમાં ભરતી
આ સિવાય રેલ્વેમાં નોકરીની તક છે. રેલ્વે ભરતી સેલ (RRC), ઉત્તર પૂર્વ રેલ્વે (NER)એ એપ્રેન્ટિસ એક્ટ 1961 હેઠળ એપ્રેન્ટિસશિપ માટે ભરતી સૂચના જારી કરી છે. રેલ્વેમાં 1104 પોસ્ટ માટે ભરતી કરવાની છે. ઈચ્છુક ઉમેદવાર www.ner.indianrailways.gov.in પર જઈ એપ્લાય કરી શકે છે. ઓનલાઈન અરજી કરવાની છેલ્લી તારીખ 25 ડિસેમ્બર 2019 સાંજે 5 વાગ્યા સુધી છે.
શેક્ષણિક લાયકાતમાં 10મું પાસ/હાઈ સ્કૂલ (SCVT/NCVT દ્વારા માન્ય) 50 ટકા માર્ક્સ સાથે પાસ થયેલા હોવું જરૂરી છે. સાથે જ આઈઆઈટીનું સર્ટિફિકેટ પણ હોવું ફરજિયાત છે. વય મર્યાદા લઘુત્તમ 15 વર્ષ અને મહત્તમ 24 વર્ષ છે.
CISFમાં નોકરી
સેન્ટ્રલ ઈન્ડસ્ટ્રિયલ સિક્યોરિટી ફોર્સ CISFમાં અનેક પોસ્ટ માટે ભરતીઓ થવાની છે. આ ભરતી હેન્ડ કોન્સ્ટેબલ (જીડી)ની 300 પોસ્ટ માટે કરવામાં આવશે. જેમાં અરજીની છેલ્લી તારીખ 17 ડિસેમ્બર 2019 છે. આ અંગેની સંપૂર્ણ જાણકારી તેની ઓફિશિયલ વેબસાઈટ https://www.cisf.gov.in/ પર મળી જશે. પગાર લેવલ-4 25,500થી 81,100 આપવામાં આવશે.
ઉમેદવારોની પસંદગી ટ્રાયલ ટેસ્ટ અને એક્ઝામ દ્વારા કરવામાં આવશે. વય મર્યાદા લઘુત્તમ 18 વર્ષ અને મહત્તમ 23 વર્ષ છે. ઉમેદવાર 12મુ પાસ હોવો જોઈએ.