તમારા કામનું / કેન્દ્ર સરકારે લોન્ચ કરી FloodWatch India એપ, પૂરના ખતરાનું લોકોને સમયસર મળશે એલર્ટ

આ વર્ષે ચોમાસાની સિઝનમાં ઘણા રાજ્યોમાં પૂરે તબાહી મચાવી છે. કેટલીક જગ્યાએ પુલ ધોવાઈ ગયા છે તો કેટલીક જગ્યાએ સેંકડો ઘર નદીઓમાં ધોવાઈ ગયા છે. જો કે હવે સેન્ટ્રલ વોટર કમિશને સામાન્ય નાગરિકોને પૂરના જોખમ અંગે સમયસર ચેતવણી આપવા માટે 'ફ્લડવોચ ઈન્ડિયા' એપ 2.0 લોન્ચ કરી છે.

આ નવી અને અદ્યતન એપ્લિકેશન દ્વારા તમે તમારા વિસ્તારમાં પૂરના કોઈપણ ખતરાની સચોટ માહિતી મેળવી શકો છો. 592 પૂરની આગાહી અને પૂર મોનિટરિંગ સ્ટેશનો સંબંધિત તમામ માહિતી 'ફ્લડવોચ ઇન્ડિયા' એપ પર ઉપલબ્ધ છે. આ એપ્લિકેશન સચોટ અને સમયસર પૂરની આગાહીઓ પહોંચાડવા માટે સેટેલાઇટ ડેટા વિશ્લેષણ, ગાણિતિક મોડેલિંગ અને રીઅલ-ટાઇમ મોનિટરિંગ જેવી અદ્યતન તકનીકોનો ઉપયોગ કરે છે.

FloodWatch India એપ આ રીતે કામ કરે છે

કુશવેન્દ્ર વોહરાએ જણાવ્યું હતું કે અમે ફ્લડવોચ એપ 2.0ની મુખ્ય સ્ક્રીનમાં ભારતનો એક ઇન્ટરેક્ટિવ નકશો તૈયાર કર્યો છે. નકશામાં જે વિસ્તારોમાં ગ્રીન સ્પોટ છે, ત્યાં પૂરનો કોઈ ખતરો નથી કારણ કે નદીઓમાં પાણી ખતરાના નિશાનથી નીચે છે. ઓરેન્જ એલર્ટ દર્શાવે છે કે નદીઓમાં પાણી ખતરાના સ્તરથી ઉપર પહોંચી ગયું છે અને જો ત્યાં લાલ નિશાન હોય તો તે સૌથી વધુ પૂરની સ્થિતિ છે એટલે કે પૂરનું જોખમ ઘણું વધારે છે. જો તમે કોઈ એક જગ્યાએ સીધું ક્લિક કરો છો તો તમને પૂરના કોઈપણ જોખમ અથવા નદીઓ અને જળાશયોના જળ સ્તર સંબંધિત તમામ માહિતી લેખિત સ્વરૂપમાં અને ઑડિયો દ્વારા પણ મળશે. જો તમે કેસરી રંગની જગ્યા પર ક્લિક કરશો તો તમને ઓડિયો દ્વારા ચેતવણી મળશે કે તમારે નદીની નજીક ન જવું જોઈએ.

2 વર્ષમાં 2500 ગ્લેશિયર્સ પર નજર રાખવામાં આવશે

સેન્ટ્રલ વોટર કમિશને ક્લાઈમેટ ચેન્જની વધતી અસરને ધ્યાનમાં રાખીને ગ્લેશિયર્સનું રિસ્ક મેપિંગ શરૂ કર્યું છે. હાલમાં હિમાલયના ક્ષેત્રમાં 902 ગ્લેશિયર્સ પર નજર રાખવામાં આવે છે. હવે નક્કી કરવામાં આવ્યું છે કે આગામી 2 વર્ષમાં 2500 ગ્લેશિયર્સ પર નજર રાખવામાં આવશે. ગ્લેશિયર લેકમાં પૂરના જોખમને ધ્યાનમાં રાખીને ભારત સરકારે 2500 ગ્લેશિયર્સનું મોનિટરિંગ શરૂ કરવાનો નિર્ણય લીધો છે. રિમોટ સેન્સિંગ દ્વારા હિમાલય ક્ષેત્રમાં 902 ગ્લેશિયર્સનું રિસ્ક મેપિંગ પણ શરૂ કરવામાં આવ્યું છે.

વધુ વાંચો : લેડી ડોક્ટર રેપ-મર્ડરમાં મોટું અપડેટ, CBIએ 3ને પકડ્યાં, 5ને નોટીસ તોડફોડમાં 12ની ધરપકડ

ગ્લેશિયર્સ વિશે મહત્વપૂર્ણ માહિતી મેળવી શકાય છે

વોહરાએ કહ્યું અમે રિમોટ સેન્સિંગ દ્વારા હિમાલય વિસ્તારમાં 902 ગ્લેશિયર્સના રિસ્ક મેપિંગની પ્રક્રિયા શરૂ કરી છે. અમે રિમોટ સેન્સિંગ દ્વારા ગ્લેશિયર લેકનું મેપિંગ કરી રહ્યા છીએ. અમે સમીક્ષા કરી રહ્યા છીએ કે ગ્લેશિયરનું કદ વધી રહ્યું છે કે ઘટી રહ્યું છે અને તેની શું અસર થઈ શકે છે. અમે હિમાલય પ્રદેશમાં નવી અર્લી વોર્નિંગ સિસ્ટમ્સ ઇન્સ્ટોલ કરીશું, જેથી એજન્સીઓને ગ્લેશિયર્સ તૂટવાથી સર્જાતી આફતો વિશે યોગ્ય સમયે ચેતવણી આપી શકાય.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ