ભણતરનો ઘટશે ભાર! વિદ્યાર્થીઓના બેગના વજનને લઇને સરકારે રજૂ કરી ગાઇડલાઇન ધોરણ પ્રમાણે વજન

ગાંધીનગરઃ બાળકોને શિક્ષણ મેળવવા માટે વજન ઉચકવો પડતો હતો. ત્યારે હવે સરકાર દ્વારા વિદ્યાર્થીઓના વજનને લઈને ગાઈડલાઈન જાહેર કરવામાં આવી છે. કેન્દ્રીય શિક્ષણ વિભાગે HRD મંત્રાલયના આદેશ મુજબ ગાઈડલાઇન ઘડવા નિર્દેશ કર્યા છે. 

સરકારે ધોરણ 1 અને 2ના વિદ્યાર્થીઓ માટે દોઢ કિલો ધોરણ 3થી 5ના વિદ્યાર્થીઓ માટે 2થી 3 કિલો ધોરણ 6 અને 7ના વિદ્યાર્થી માટે 4 કિલો ધોરણ 8થી 10ના વિદ્યાર્થી માટે સાડા ચાર કિલો અને ધોરણ 10ના વિદ્યાર્થી માટે 5 કિલો સુધીના બેગનું વજન નક્કી કર્યુ છે.

મહત્વનુ છે કે હાલમાં તમામ સ્કૂલોમાં 6થી 7 વિષયો હોય છે. એક સ્કૂલમાં 6થી 7 જેટલા પિરીયડ પણ હોય છે. જેના કારણે તમામ વિષયનો એક પિરીયડ આવતો હોય છે. ત્યારે હવે સરકારની ગાઈડલાઈન મુજબ સ્કૂલો બાળકોના બેગનુ વજન કેવી રીતે ઓછુ કરશે તે પણ એક સવાલ છે. શું હવે વિદ્યાર્થીઓના બુક્સમાં ઘટાડો કરાશે અથવા સ્કૂલોમાં પિરીયડ ઓછા કરાશે તે એક સવાલ છે.

સરકારની ગાઈડલાઈન મુજબ વિદ્યાર્થીઓ પર બોઝ ઘટશે? બુકોના વજન ઓછા કરાશે કે વિષય ઘટાડાશે? સરકારના ગાઈડલાઈન મુજબ કેવી રીતે બોઝ ઘટશે? 7 વિષયોની બુક્સનો વજન આટલો થશે? શું સ્કૂલમાં વિદ્યાર્થીઓ પાસેથી બધા વિષયોની બુક્સ નહી મંગાવાય? સ્કૂલો ગાઈડલાઈન મુજબ કેવી રીતે વજન નક્કી કરશે?