કેન્દ્રીય સડક અને રાજમાર્ગ મંત્રાલયે હાલમાં કેન્દ્રીય મોટર વ્હીકલ રૂલ્સમાં ફેરફાર કર્યા છે. કેન્દ્રની તરફથી જાહેર કરાયેલા નવા નિયમ 1 ઓક્ટોબરથી લાગૂ થશે. મંત્રાલયના આધારે આઈટી સર્વિસિસ અને ઈલેક્ટ્રોનિક મોનિટરિંગની મદદથી ટ્રાફિક રૂલ્સને દેશમાં લાગૂ કરાશે. નવા નિયમો અનુસાર હવે વાહનને ફક્ત ડોક્યુમેન્ટ ચેક કરવા રોકી શકાશે નહી.
E-Challanને લઈને કેન્દ્રએ બદલ્યા નિયમો
રસ્તામાં નહીં કરી શકાય વાહનોનું ચેકિંગ
નવા નિયમો 1 ઓક્ટોબરથી થશે લાગૂ
હવે તપાસ માટે નહીં કરાય ફિઝિકલ ડોક્યૂમેન્ટ્સની માંગ
નવા નિયમોના આધારે કોઈ વ્હીકલ કે કોઈ ડોક્યુમેન્ટ ઓછું છે કે અધૂરું છે તો તેના રજિસ્ટ્રેશન નંબરની મદદથી ડોક્યુમેન્ટ્સનું ઈ વેરિફિકેશન કરાશે અને ઈ-ચાલાન મોકલાશે. હવે વાહનની તપાસ માટે ડોક્યુમેન્ટ્સ નહીં માંગવામાં આવે. તો કેવી રીતે ખબર પડશે કે કોઈ વાહનનું કોઈ ડોક્યુમેન્ટ એક્સપાયર થયું છે કે નહીં.
ડ્રાઈવિંગ લાયસન્સની માહિતી પોર્ટલ પર કરાશે રેકોર્ડ
મંત્રાલયે કહ્યું છે કે લાયસન્સ ઓથોરિટીની તરફથી અયોગ્ય અને એક્સપાયર લાયસન્સની માહિતી પણ પોર્ટલ પર રખાશે. તેને સમયાનુસાર અપડેટ કરાશે. ડેટા પોર્ટલ પરથી જોવા મળી જશે. તપાસ માટે ફિઝિકલ ડોક્યુમેન્ટ્સની માંગણી નહી કરી શકાય. જો ડ્રાઈવરે કોઈ નિયમનું ઉલ્લંઘન કર્યું છે અને તેના કોઈ ડોક્યુમેન્ટ્સ જપ્ત કરાયા છે તો તે પણ અહીંથી જાણી શકાશે.
કેન્દ્ર સરકારની તરફથી જાહેર કરાયેલા નિયમો અનુસાર વાહન માલિકો પોતાના ડોક્યુમેન્ટ્સને ઈલેક્ટ્રોનિક ફોર્મમાં મેન્ટેન કરશે. જેથી સડક પર રોકાઈને તપાસ કરવાથી મુક્તિ મળી શકે. લાયસન્સ, રજિસ્ટ્રેશન ડોક્યુમેન્ટ્સ, ફિટનેસ સર્ટિફિકેટ, પરમિટ્સ વગેરે વાહન સાથે જોડાયેલા ડોક્યુમેન્ટને સરકરાની તરફથી ચાલી રહેલા પોર્ટલ પર મેનેજ કરાશે. તેની મદદથી કમ્પાઉન્ડિંગ, ઈમ્પાઉન્ડિંગ, એડોર્સમેન્ટ, લાયસન્સનું સસ્પેન્શન, રજિસ્ટ્રેશન અને ઈ ચાલાનનું કામ પણ થશે.
આ રીતે ડ્રાઈવર પર રહેશે ટ્રાફિક ડિપાર્ટમેન્ટની નજર
ટ્રાફિક ડિપાર્ટમેન્ટ રેકોર્ડને ઈલેક્ટ્રોનિકલી મેન્ટેન કરશે. તેનાથી ડ્રાઈવરના વ્યવહાર પર નજર રાખી શકાશે. પોર્ટલ પર સસ્પેન્ડ કરાયેલા ડ્રાઈવિંગ લાયસન્સનો રેકોર્ડ પણ અપડેટ થશે. ડ્રાઈવરના વ્યવહારને મોનિટર કરવામાં મદદ મળશે. નિયમ અનુસાર કોઈ વાહન સંબંધી ડોક્યુમેન્ટ્સને ઈલેક્ટ્રોનિક માધ્યમથી વેરિફાઈ કરાશે તો પોલિસ અધિકારી તેની કોપી માંગી શકશે નહીં. કોઈ ડોક્યુમેન્ટની માંગ કરવાની કે તપાસની પછી તારીખ અને તેનો સમય સ્ટેમ્પ અને યુનિફોર્મમાં પોલિસ અધિકારીની ઓળખ પણ પોર્ટલ પર મેન્ટેન કરાશે.