ચૂંટણી પરિણામ બાદ સરકાર વધારી શકે છે પેટ્રોલ-ડીઝલના ભાવ

પેટ્રોલ અને ડીઝલના ભાવ એક વખત ફરીથી વધી શકે છે. કાચા તેલના ભાવમાં વધારો થવાના કારણે બુધવારે સરકાર એક્સાઇઝ ડ્યૂટી વધારવાની જાહેરાત કરી શકે છે. જો એક્સાઇઝ ડ્યૂટી વધે છે તો પેટ્રોલના ભાવમાં 2 રૂપિયા પ્રતિ લીટરનો વધારો થઇ જશે. આ ઉપરાંત રાજ્ય સરકારે પણ વેટ વધી શકે છે. એવું માનવામાં આવી રહ્યું છે કે પેટ્રોલનો નવો ભાવ ગુરુવારથી લાગૂ થઇ શકે છે. પેટ્રોલના ભાવ પર સરકાર ચૂંટણી પરિણામો આવ્યા બાદ નિર્ણય લઇ શકે છે.

પાંચ રાજ્યોમાં થયેલી ચૂંટણીના એક્ઝિટ પોલે ભાજપને ચિંતામાં નાંખી દીધું છે. ત્યારે હવે પેટ્રોલમાં વધારો થયા બાદ એવું માનવામાં આવી રહ્યું છએ કે ભાજપની 2019 લોકસભા ચૂંટણીનો રસ્તો આ કારણોથી મુશ્કેલ થઇ શકે છે. પેટ્રોલ એક્સપોર્ટ કરનાર 14 મોટા દેશોનો સમૂહ અને 10 અન્ય તેલ ઉત્પાદર દેશોએ કાચા તેલના ભાવમાં થતો ઘટાડો અટકાવવાના હેતુથી તેલ ઉત્પાદનમાં 1.2 મિલિયન બેરલ પ્રતિદિનના ઘટાડોનો નિર્ણય લઇ શકે છે. 

જણાવી દઇએ કે પાંચ વિધાનસભઆ ચૂંટણીના પરિણામો મંગળવારે આવવાના છે. આંતરરાષ્ટ્રીય બજારમાં તેલની કિંમતોમાં ઘટાડા બાદ કેન્દ્ર સરકારે પણ પાંચ રાજ્યોની ચૂંટમણ પહેલા મોટી રાહત આપી હતી. કેન્દ્ર સરકારે પેટ્રોલ અને ડીઝલના ભાવમાં 2.5 રૂપિયાનો ઘટાડો કર્યો હતો અને રાજ્ય સરકારોને પણ 2.5 રૂપિયાનો કાપ કરવાનું કહ્યું હતું. ત્યારબાદ કેટલાક રાજ્યો સિવાય તમામ રાજ્યોમાં પેટ્રોલ અને ડીઝલના ભાવમાં 5 રૂપિયા સુધીનો ઘટાડો કરવામાં આવ્યો હતો.