ફાયદાની વાત / કેન્દ્રીય કર્મચારીઓની દિવાળી સુધરી, મોદી સરકારે કર્યો આટલા હજારનો પગારમાં વધારો, જાણો ક્યારથી મળશે લાભ

• કેન્દ્ર સરકારના કર્મચારીઓને પ્રમોશન મળ્યું 
• પ્રમોશનને કારણે અધિકારીઓના પગારમાં પણ મોટો વધારો થશે.
• હવે પગારમાં દર મહિને 15 હજારનો રૂપિયાનો વધારો 

કેન્દ્વીય કર્મચારીઓ માટે સારા સમાચાર છે.

મોઘવારી ભથ્થું એરિયર્સ, ટીએ અને પ્રમોશનની રાહ જોઈ રહેલા કેન્દ્વીય કર્મચારીઓ માટે સારા સમાચાર છે. જુલાઈમાં મોંઘવારી ભથ્થામાં વધારો કર્યા પછી, કેન્દ્રીય કર્મચારીઓ સતત 18 મહિનાના એરિયરની માંગણી કરી રહ્યા છે. તેમાં કેન્દ્રના તમામ વિભાગોનો સમાવેશ થાય છે. પરંતુ, હવે જુદા જુદા વિભાગોમાં પ્રમોશન શરૂ થઈ ગયા છે. પ્રથમ પ્રમોશન ભારતીય રેલવેના કર્મચારીઓ માટે હશે.આ માટે ઓર્ડર આપવામાં આવ્યા છે. એક નોટિફિકેશન મુજબ ભારતીય રેલવેના જે અધિકારીઓને બઢતી આપવામાં આવશે તેઓને 7 માં પગાર પંચની ભલામણોને આધીન રહેશે. અધિકારીઓ હવે રૂ .25,350 થી રૂ .29,500 ના પ્રવેશ-પગારમાં સામેલ થશે.

પ્રમોશનને કારણે પગારમાં પણ મોટો વધારો થશે.

એક નોટિફીકેશન અનુસાર આ વર્ષે રેલવે બોર્ડ સચિવાલય સેવા, રેલવે બોર્ડ સચિવાલય સ્ટેનોગ્રાફર્સ સેવાના અધિકારીઓનું પ્રમોશન થવાનું છે. હવે તે સેક્રેટરી/પીઆર હેઠળ છે. ખાનગી સચિવ દ્વારા બઢતી આપવામાં આવી હતી. સચિવ/સિનિયર મુખ્ય ખાનગી સચિવ બનાવવામાં આવી રહ્યા છે. પ્રમોશનને કારણે અધિકારીઓના પગારમાં પણ મોટો વધારો થશે.

પગારમાં 15 હજાર રૂપિયા સુધી વધારો થશે

પ્રમોશન બાદ અધિકારીઓના પગારમાં માસિક ધોરણે લગભગ 15,000 રૂપિયાનો વધારો થશે. વાર્ષિક રીતે તેમાં લગભગ 1 લાખ 80 હજાર રૂપિયાનો વધારો થશે. પે-મેટ્રિક્સને જોતા, આ સ્તરના અધિકારીઓનો પ્રવેશ મૂળભૂત પગાર દર મહિને 67,700-78,800 ની વચ્ચે છે. મૂળ પગારમાં પ્રમોશન અને વધારાને કારણે મોંઘવારી ભથ્થું, પરિવહન ભથ્થું, મકાન ભાડું ભથ્થું અને અન્ય જરૂરી ભથ્થાં પણ વધશે. જો કે, મોટાભાગનો તફાવત ફક્ત મૂળ પગારમાં જ દેખાશે.

પે બેન્ડ III ના કર્મચારીઓને પ્રમોટ કરવામાં આવશે

7 મી પે મેટ્રિક્સ હેઠળ આ સ્તર પર પે બેન્ડ III લાગુ છે. રેલવે મંત્રાલયે પ્રમોશન સંબંધિત જાહેરનામું બહાર પાડ્યું છે. પ્રમોશન પર રાષ્ટ્રપતિની મંજૂરી લેવામાં આવી છે. હવે કેન્દ્રના આ વિભાગના વિવિધ સ્તરના અધિકારીઓને ઇન્ક્રીમેન્ટ મળશે. બીજો વધારો લેવલ 11 ના 69,700 બેઝિક પગારથી રૂ. 81,200 બેઝિક કરવામાં આવશે.

પે મેટ્રિક્સમાં પણ થશે વધારો

તમને જણાવી દઈએ કે, 7 મા પગાર પંચ હેઠળ, દર વર્ષે બે ઇન્ક્રીમેન્ટ અલગ અલગ વિભાગોમાં આપવામાં આવે છે. જો પ્રમોશન મળવાનું હોય તો બંને ઇન્ક્રીમેન્ટ એક સાથે કરવામાં આવે છે. પે મેટ્રિક્સ મુજબ પગાર વધારવામાં આવે છે. 7 મા પગાર પંચના અમલ બાદ પે મેટ્રિક્સની રજૂઆત કરવામાં આવી હતી.આમાં ફિટમેન્ટ ફેક્ટર પણ મોટી ભૂમિકા ભજવે છે. હાલમાં ફિટમેન્ટ ફેક્ટર 2.57 છે.