હાલમાં દેશમાં પેટ્રોલની સરેરાશ 100 રૂપિયા લીટર પર વેંચાઈ રહ્યું છે. મોંઘા ઇંધણ પાછળ જવાબદાર TAX છે. કારણ કે ટેક્સનો હિસ્સો લગભગ 50 ટકા છે.
પેટ્રોલ-ડીઝલ પરનો ટેક્સ સરકાર માટે દુઝણી ગાય
પેટ્રોલ અને ડીઝલ પર કેન્દ્ર અને રાજ્ય સરકાર તગડો ટેક્સ ઉસેડે છે
દેશમાં પેટ્રોલની સરેરાશ 100 રૂપિયા લીટર
પેટ્રોલ-ડીઝલ પરનો ટેક્સ સરકાર માટે દુઝણી ગાય સમાન છે. સરકારને મોટાભાગની આવક પેટ્રોલ ડીઝલના ટેક્સ પેટે થાય છે. જોકે હાલની સ્થિતિએ પેટ્રોલ ડીઝલના ભાવ ઘણા સમયથી સ્થિર છે. જોકે, આંતરરાષ્ટ્રીય બજારમાં ક્રૂડ ઓઈલની કિંમતમાં વધઘટ જોવા મળી રહી છે. રશિયા-યુક્રેન વચ્ચેના યુદ્ધ બાદ ઈંધણના ભાવ આસમાનને આંબી ગયા હતા. ક્રૂડ ઓઈલના ભાવમાં વધારા બાદ ઓયલ કંપનીઓએ પેટ્રોલ અને ડીઝલના ભાવ વધાર્યા હતા.
સરકાર તગડો ટેક્સ ઉસેડે છે
હાલમાં દેશમાં પેટ્રોલની સરેરાશ 100 રૂપિયા લીટર પર વેંચાઈ રહ્યું છે. મોંઘા ઇંધણ પાછળ જવાબદાર TAX છે. કારણ કે ટેક્સનો હિસ્સો લગભગ 50 ટકા છે. પેટ્રોલ અને ડીઝલ પર કેન્દ્ર અને રાજ્ય સરકાર તગડો ટેક્સ ઉસેડે છે. હિન્દુસ્તાન પેટ્રોલિયમ, ઈન્ડિયન ઓઈલ અને ભારત પેટ્રોલિયમ દરરોજ પેટ્રોલ અને ડીઝલના ભાવ નક્કી કરે છે. જેના પર વસુલમાં આવતા ટેક્સને સરકારનો મુખ્ય આવકનો સ્ત્રોત ગણવામાં આવે છે.
9 મહિનામાં સરકારે રૂ. 545,002 કરોડ રોડી નાખ્યા
સતાવાર રીતે આપવામાં આવેલ આંકડાની વાત કરીએ તો કેન્દ્ર અને રાજ્ય સરકારો બંનેએ 2022-23ના 9 મહિનામાં પેટ્રોલિયમ ઉત્પાદનોમાંથી રૂ. 545,002 કરોડ રોડી નાખ્યા છે. જ્યારે વર્ષ 2021-22માં રૂ. 774,425 કરોડ, તો 2020-21માં રૂ. 672,719 કરોડ અને વર્ષે 2019-20માં રૂ. 555,370 કરોડ તેમજ 2018-19માં રૂ. 575,632 કરોડ, રૂ. 543-0217 કરોડ જેટલો તગડો નફો કર્યો હોવાનું સામે આવ્યું છે.
ટેક્સનું સમજીએ તો આજે દિલ્હીમાં એક લિટર પેટ્રોલનો ભાવ 96.72 રૂપિયા છે. તેમાં ટેક્સ તરીકે રૂ. 35.61નો સમાવેશ થાય છે, જેમાં રૂ. 19.90 કેન્દ્ર સરકારની તિજોરીમાં અને રૂ. 15.71 રાજ્ય સરકાર સુધી પહોંચે છે. આ સિવાય એક લિટર પેટ્રોલ પર ડીલરનું કમિશન 3.76 રૂપિયા છે. પરિવહન માટે 0.20 પૈસા ઉમેરવામાં આવે છે. જેમાં પરિવહન, એકસાઇઝ ડ્યુટી, ડીલરનું કમીશન ઉમેરવામાં આવે છે.