સબમરીન / મોદી સરકાર 'Make In India' હેઠળ બનાવશે 6 સબમરીન, 45000 કરોડ થશે ખર્ચ

રક્ષા મંત્રાલયે જણાવ્યું કે, 'આ પરિયોજનાથી સ્વદેશી ડિજાઇન અને ભારતમાં જ શબમરીન નિર્માણની ક્ષમતાને જબરદસ્ત પ્રોત્સાહન મળશે. સાથે જ શબમરીનની નવીન ડિજાઇન અને ટેક્નોલોજી પણ તેનો હિસ્તો હશે'. જો આ પરિયોજના સફળ થાય છે તો ભારત શબમરીનોની ડિજાઇન અને નિર્માણના આંતરરાષ્ટ્રીય કેન્દ્ર રૂપે ઉભરશે. ભારતીય નેવી પાસે ભવિષ્યમાં કન્સોર્ટિયમથી 6 વધુ શબમરીનના ઓર્ડર આપવાના વિકલ્પ છે. 

આ મેગા પ્રોજેક્ટમાં રસ રાખનારી ભારતીય કંપનીઓ આજે આ જાહેરાત પર બે મહીનાની અંદર પ્રતિક્રિયા આપી શકે છે. સરકારનું કહેવું છે કે, 'ભારતીય કંપનીઓની પસંદગી એમની નાણાકીય ક્ષમતા, જહાજ નિર્માણ ક્ષેત્રમાં તેમની વિશેષજ્ઞતા અને સિસ્ટમના એકીકરણની તેમની ક્ષમતાના આધારે કરવામાં આવશે.' એક વાર ભારતીય કંપનીઓ આ પરિયોજનાને લઇને પોતાની રૂચી બતાવે, બાદમાં સરકાર ખરીદી પ્રક્રિયામાં રિક્વેસ્ટ ફોર પ્રાઇસિંગ (RFP) સ્ટેજ પર આગળ વધશે. 

હાલ માનવામાં આવી રહ્યું છે કે આ પરિયોજના હેઠળ તૈયારી થનારી શબમરીન આવનાર 5 વર્ષ બાદ ભારતીય નેવીમાં સામેલ થઇ શકશે. કારગિલ યુધ્દ બાદ, સુરક્ષા મામલાની કમિટીમાં ભારતમાં જ બે પ્રોડક્શન લાઇન દ્વારા શબમરીન નિર્માણની 30 વર્ષની યોજનાને લીલીઝંડી બતાવવામાં આવી હતી.