એક્શન / સૌથી વધારે સંક્રમિત 20 જિલ્લામાં કેન્દ્રની સ્પેશિયલ ટીમ ઉતારવામાં આવશે, ગુજરાત સહિત 10 રાજ્યોમાં કામ કરશે

• 10 રાજ્યોમાં કેન્દ્રની સ્પેશિયલ ટીમ
• દેશમાં સૌથી વધારે સંક્રમિત 20 જિલ્લાઓમાં કેન્દ્રની ટીમ મેદાનમાં
• ટીમ અનેક પાસાઓ ઉપરાંત રાજ્યને અનેક બાબતોમાં મદદ કરશે

યુપીના લખનઉ અને આગ્રામાં બે ટીમો કામ કરશે. દિલ્હીમાં દક્ષિણ પૂર્વી અને મધ્ય જિલ્લામાં ટીમો કન્ટેનમેન્ટ ઝોનના આયોજન પર કામ કરશે. દિલ્હીના આ બંને જિલ્લામાં અત્યાર સુધીમાં સૌથી વધુ દર્દીઓ મળી આવ્યા છે. કેન્દ્રીય આરોગ્ય મંત્રાલયના વરિષ્ઠ અધિકારીએ જણાવ્યું હતું કે, કોરોના વાયરસના નવા દર્દીઓ સૌથી વધુ બહાર આવતા જિલ્લાઓ માટે બે નિષ્ણાતોની ટીમો મોકલવામાં આવી રહી છે.

આ ટીમો તબીબી સેવાઓથી લઈ કન્ટેનમેન્ટ ઝોન અને આરટી પીસીઆર તપાસ પર ધ્યાન કેન્દ્રિત કરીને હોસ્પિટલોમાં યોજના બનાવશે અને કાર્ય કરશે. તેઓ રાજ્ય સરકારોને પણ મદદ કરશે. તેમણે કહ્યું કે દિલ્હી સરકારે થોડા દિવસો પહેલા મદદ માટે કેન્દ્રિય સ્તરે ટીમો તૈનાત કરવાની માંગ કરી હતી. ત્યારે જ એનસીડીસી અને દિલ્હી એઈમ્સના સમુદાય તબીબી નિષ્ણાતોની ટીમો બનાવવામાં આવી છે.

ટ્રકો માટે હેલ્પલાઈન 1930

 લોકડાઉન દરમિયાન ગૃહ મંત્રાલયે ટ્રક ડ્રાઇવરો અને ટ્રાન્સપોર્ટરોની ફરિયાદોને ઝડપથી નિવારવા માટે એક કન્ટ્રોલ રૂમ બનાવ્યો છે. દેશના કોઈપણ ભાગમાં ટ્રકો ખાલી અથવા ભરેલી ટ્રકો પોલીસ કે કોઈ પણ વિભાગ દ્વારા રોકવામાં આવે છે  તો તેઓ 1930 નંબર પર ફરિયાદ કરી શકે છે.

કંટ્રોલ રૂમમાં હાઇવે મંત્રાલયના અધિકારીઓ ફરિયાદોનું નિરાકરણ લાવશે. ખાસ કરીને બે રાજ્યો અથવા જિલ્લાઓની સરહદો મળતી હોય ત્યાંથી ટ્રકો રોકે તેવી વધુ ફરિયાદો છે.