અમદાવાદ / આનંદીબહેન, CM રૂપાણી અને ખેલ મંત્રી કિરણ રિજીજુના હસ્તે ખેલ મહાકુંભ-2019નો રંગેચંગે પ્રારંભ

ખેલ મહાકુંભ 2019ની સાથે બોપલ ખાતે સંસ્કારધામ સ્પોર્ટ્સ એકડમીનું પણ ઉદ્ઘાટન કરવામાં આવ્યું હતું. આ સંભારભમાં ખેલ જગતની જાણીતી હસ્તીઓનું સન્માન કરાયું. જેમાં બોક્સિંગ ચેમ્પિયન મેરી કૉમ, ચેસ ચેમ્પિયન વિશ્વનાથ આનંદ, શુટર ગગન નારંગ, પી. ગોપીચંદ, પેરાઓલમ્પિક વિજેતા દીપા મલિકનો સમાવેશ છે.

How can fitness contribute to a New India? Watch Sports Minister @KirenRijiju and sports legends @MangteC @vishy64theking @gaGunNarang @DeepaAthlete and Pulella Gopichand share their views with students of Sanskardham Sports Academy LIVE at 12.30pm, today. pic.twitter.com/idOjWOpKIS

— Kiren Rijiju Office (@RijijuOffice) September 8, 2019

ખેલ મહાકુંભને FIT India કેમ્પેઈન સાથે જોડાયો

PM મોદી લોન્ચ કરેલાં ફિટ ઈન્ડિયા કેમ્પેઈનને પ્રમોટ કરવા તેને ખેલ મહાકુંભ સાથે જોડાયો છે. આ અંતર્ગત ખેલ જગતની સેલિબ્રિટીને જોડી ફિટ ઈન્ડિયા કેમ્પેઈનમાં જોડી લોકોમાં જાગૃતિ લાવવાનો પ્રયત્ન કરાશે. 

શ્રેષ્ઠ રમતવીરોનું સન્માન

ખેલ મહાકુંભ 2019ના પ્રારંભ સાથે જ રાજ્ય વિવિધ રમતોમાં શ્રેષ્ઠ રમતવીરોને સન્માનિત પણ કરાયા. 

ચાલુ વર્ષે કુલ 22 રમતોનો કરાયો સમાવેશ 

ખેલ મહાકુંભમાં જિલ્લા કક્ષાએ કુલ 22 રમતોનો સમાવેશ કરવામાં આવ્યો છે. જેમાં જિલ્લા કક્ષાએ હોકી,આર્ચરી,કુસ્તી ,ચેસ,રસ્સાખેંચ ,કબડ્ડી સહિતની રમતોનો સમાવેશ કરવામાં આવ્યો છે. જયારે રાજય કક્ષાએ કુલ 36 રમતોમાં ભાગ લઇ શકશે. જેમાં આ વખત રાજય કક્ષાએ કુલ 4 નવી રમતોનો સમાવેશ કરવામાં આવ્યો છે. જેમાં કરાટે,ઘોડેસવારી,રોલબોલ,બ્રીજનો સમાવેશ પ્રથમ વાર કરવામાં આવ્યો છે.