મોંઘવારીનો માર / કોંગ્રેસના મોદી સરકાર પર પ્રહાર: 6 વર્ષમાં કેન્દ્ર સરકારે એક્સાઈઝ ડ્યૂટીમાં 250 ટકાનો વધારો ઝીક્યો, જનતા ત્રાહિમામ

• દેશમાં મોંઘવારીએ માઝા મુકી
• પેટ્રોલ ડીઝલ અને ગેસ સિલેન્ડરના ભાવમાં ભડકો
• જીવન જરૂરિયાતની મોટા ભાગની વસ્તુઓ મોંઘી થઈ

દેશમાં પેટ્રોલ અને ડીઝલના ભાવમાં અત્યાર સુધીમાં સૌથી મોટો વધારો આવ્યો છે. જેના કારણે સતત વધી રહેલી મોંઘવારીથી જનતાના હાલ બેહાલ થઈ રહ્યા છે. રાજકીય પાર્ટીઓના નેતા વધેલા પેટ્રોલ ડીઝલના ભાવને લઈને એકબીજાને જવાબદાર ઠેરવી રહ્યા છે. ત્યારે હવે કોંગ્રેસના મહાસચિવ પ્રિયંકા ગાંધીએ સોશિયલ મીડિયા પર એક ટ્વિટ કર્યું છે. જેમાં કહેવાયુ છે કે, છેલ્લા 6 વર્ષોમાં કેન્દ્ર સરકારે પેટ્રોલ અને ડીઝલ પર એક્સાઈઝ ડ્યૂટી 250 ટકા વધારી દીધી છે. 

પ્રિયંકા ગાંધીએ આ ટ્વિટમાં લખ્યું છે કે, મોંઘવારીનો મ, કેન્દ્ર સરકારે 2014-15થી 2020-21ની વચ્ચે પેટ્રોલ અને ડીઝલ પર ટેક્સ વસૂલી 250 ટકા સુધી વધારી દીધો છે. 2014માં પેટ્રોલ પર એક્સાઈઝ ડ્યૂટી ફક્ત 9.48 રૂપિયા હતી, જ્યારે ડીઝલ પર ફક્ત 3.56 રૂપિયા વસૂલવામાં આવતી હતી. 

250 ટકા વધેલી એક્સાઈઝ ડ્યૂટી

તેની સાથે એક ગ્રાફિક્સ પણ શેર કર્યો છે. જેમાં બતાવામા આવ્યું છે કે, 2014માં પેટ્રોલ પર ફક્ત 9.48 રૂપિયા અને ડીઝલ પર 3.56 રૂપિયા કેન્દ્ર સરકાર તરફથી એક્સાઈઝ ડ્યૂટી વસૂલવામાં આતી હતી, પણ 2015માં તે વધીને પેટ્રોલ પર 19.36 રૂપિયા અને ડીઝલ પર 11.83 રૂપિયા થઈ ગઈ છે. તો વળી મહામારી દરમિયાન એક્સાઈઝ ડ્યૂટી પેટ્રોલ 32.90 રૂપિયા અને ડીઝલ પર 31.80 રૂપિયા થઈ ગઈ હતી. આ ઉપરાંત કેન્દ્ર સરકાર તરફથી નવેમ્બર 2021માં એક્સાઈઝ ડ્યૂટી ઘટાડવા છતાં પણ પેટ્રોલ પર 27.90 રૂપિયા અને ડીઝલ પર 21.80 રૂપિયા વસૂલવામાં આવે છે. 

સેવા દળે કર્યું મોંઘવારી મેરથોનનું આયોજન

મોંઘવારી પર પોતાનો વિરોધ નોંધાવવા માટે કોંગ્રેસના સેવા દળ તરફથી ઈંદૌરમાં મોંઘવારી મેરથોનનું આયોજન કરીને સરકાર વિરુદ્ધ વિરોધ પ્રદર્શન કરવામાં આવી રહ્યું છે. કોંગ્રેસ નેતા તરફથી કહેવામાં આવ્યું છે , આ મેરેથોન વિજેતાઓને ઈનામમાં પેટ્રોલ, સોયાબીન ઓયલ અને લીંબૂ આપવામાં આવશે. 

કોમર્શિયલ સિલેન્ડર મોંઘો થયો

મે મહિનાના પ્રથમ દિવસે જ મોંઘવારીનો મોટો ઝટકો લાગ્યો છે. સરકારી ઓયલ માર્કેટિંગ કંપનીઓએ 1 મેથી એલપીજી ગેસ સિલેન્ડડરના ભાવમાં 104 રૂપિયા પ્રતિ સિલેન્ડે વધારો ઝીકી દીધો છે. આ વધારો ઘરેલૂ રસોઈ ગેસ સિલેન્ડરમાં નથી થયો, પણ કોમર્શિયલ ગેસ સિલેન્ડરમાં થયો છે. ઘરેલૂ ગેસ સિલેન્ડરના ભાવમાં કોઈ ફેરફાર કરવામાં આવ્યો નથી. રાષ્ટ્રીય રાજધાની દિલ્હીમાં હવે 19 કિલોગ્રામનો કોમર્શિયલ ગેસ સિલેન્ડરના ભાવ વધીને 2355 રૂપિયા થઈ ગયા છે. આપને જણાવી દઈએ કે, ગત મહિને 1 એપ્રિલે કોમર્શિયલ સિલેન્ડરના ભાવ 268.50 રૂપિયા વધ્યા હતા.