નેશનલ સ્પોર્ટ્સ ડે ના દિવસ પર ફિટનેસ પ્રત્યે જાગરૂક કરવા માટે શરૂ કરવામાં આવી રહેલા ફિટ ઇન્ડિયા મૂવમેન્ટને લઇને દેશભરમાં તૈયારી ચાલી રહી છે. આ કાર્યક્રમને પ્રધાનમંત્રી નરેન્દ્ર મોદી ગુરુવાર 29 ઓગસ્ટે નવી દિલ્હી સ્થિત ઇન્દિરા ગાંધી ઇન્ડોર સ્ટેડિયમમાં લૉન્ચ કરશે. કેમ્પેનને લઇને બોલીવુડ સેલેબ્સમાં પણ જોશ ભરેલો છે.
નેશનલ સ્પોર્ટ્સ ડે ના દિવસે બોલીવુડ એક્ટ્રેસ શિલ્પા શેટ્ટીએ એક વીડિયો શેર કરીને લોકોને આ કેમ્પેનમાં જોડવાની અપીલ કરી છે. શિલ્પા શેટ્ટીએ વીડિયો શેર કરતા કેપ્શન લખ્યું, 'આજકાલની ભાગદોડ ભરેલી લાઇફમાં ફિટ રહેવા શ્વાસ લેવો જેટલો જરૂરી છે, એટલા માટે હું લોકોને અપીલ કરું છું કે આદરણીય પ્રધાનમંત્રીના @PMOIndia ની પહલ ફિટ ઇન્ડિયા કેમ્પેનથી જોડાય. ફિટનેસને પોતાની જીંદગીનો તરીકો બનાવવાની શપથ લો.'
ડિરેક્ટર કરણ જોહરએ પણ કેમ્પેનના વખાણ કરતાં એને ભારતીયો માટે પ્રેરણાદાયક કહ્યું છે. એને લખ્યું છે કે આ કેમ્પેન ભારતીયોને હેલ્ધી અને ફિટ લાઇફસ્ટાઇલ વિતાવવાને ઇન્સ્પાયર કરશે.
Congratulations to our honourable PM @narendramodi & sports minister @kirenrijiju for launching the Fit India Movement on 29th August. I’m sure this will inspire all Indians in finding easy and fun ways to adapt a fit and healthy lifestyle #FitIndiaMovement
નોંધનીય છે કે તાજેતરમાં ફિટ ઇન્ડિયા મૂવમેન્ટ અભિયાન માટે સમિતિનું ગઠન કરવામાં આવ્યું હતું, જેમાં ભારતીય ઓલમ્પિક સંઘ (IOA), રાષ્ટ્રીય ખેલ સંઘ (NSF), સરકારી અધિકારી, ખાનગી એકમ અને જાણીતા ફિટનેસ સેલિબ્રિટીસને સામેલ કરવામાં આવ્યા. સત્તાવાર જાહેરાત પ્રમાણે એમાં એક્ટ્રેસ શિલ્પા શેટ્ટી અને મિલિંદ સોમન સામેલ છે. આ સમિતિના અધ્યક્ષ કેન્દ્રીય ખેલ મંત્રી કિરણ રિજ્જૂ છે. એ હેઠળ દરેક કોલેજ અને વિશ્વવિદ્યાલયને 15 દિવસનો ફિટનેસ પ્લાન તૈયાર કરવો પડશે.
ઉલ્લેખનીય છે કે ફિટ ઇન્ડિયા મૂવમેન્ટના હેતુ દેશના નાગરિકો અને ખાસ કરીને વિદ્યાર્થીઓને રોજિંદા જીવનમાં શારીરિક ગતિવિધિને વિકસિત કરવાનો છે. ફિટ ઇન્ડિયા કાર્યક્રમને દેશભરની કૉલેજો અને યુનિવર્સિટીને મોટી સ્ક્રીન પર લાઇવ ટેલિકાસ્ટ કરવામાં આવી રહ્યો છે. પ્રધાનમંત્રી નરેન્દ્ર મોદીએ 'મન કી બાત' આ વાતનો ઉલ્લેખ કર્યો હતો.