ભારતીય મૂળના સેલિબ્રિટી શેફ ફ્લૉએડ કાર્ડોઝનું ન્યૂ યોર્કમાં કોરાના વાયરસના કારણે મોત થઇ ગયું છે. તેઓ આ જ મહિને મુંબઇમાં પાછા ગયા હતા. મુંબઇમાં એમને પાર્ટી આપી હતી જેમાં 200 લોકો આવ્યા હતા. પરત ગયા બાદ એ કોરોના માટે પૉઝિટિવ હતા.
ન્યૂ યોર્કમાં ભારતીય મૂળના સેલિબ્રિટી શેફનું મોત
19 માર્ચે કોરોના વાયરસ માટે પૉઝિટિવ મળી આવ્યા
આ મહિને મુંબઇમાં પાર્ટી આપીને પાછા ફર્યા હતા ફ્લૉએડ
અમેરિકામાં અત્યાર સુધી કોરોનાથી 773 લોકોના મોત
ભારતમાં 10 લોકોના જીવ કોરોનાને કારણે થયા
કોરોના વાયરસની ચપેટમાં દુનિયાની ઘણી મોટી હસ્તિઓ આવી ગઇ છે. આ ખતરનાક વાયરસથી ઇન્ફેક્શન થવા પર ભારતીય મૂળના સેલિબ્રિટી શેફ ફ્લૉએડ કાર્ડોઝનો જીવ ચાલ્યો ગયો. એ 59 વર્ષના હતા. ન્યૂ જર્સીમાં રહેનાર કાર્ડોઝ 19 માર્ચે કોરોના વાયરસથી પૉઝિટિવ મળી આવ્યા હતા. ચિંતાની વાત એ છે કે ફ્લૉએડ આ મહિને મુંબઇ આવ્યા હતા અને એમને ત્યાં પાર્ટી આપી હતી. એવામાં એ પાર્ટીમાં આવેલા લોકોની ચિંતા પણ વધી શકે છે. અમેરિકામાં અત્યાર સુધી વાયરસથી 773 લોકોના મોત થઇ ગયા છે જ્યારે ભારતમાં એનાથી 10 લોકોનો જીવ ચાલ્યા ગયા છે.
મુંબઇની પાર્ટીમાં 200 લોકો પહોંચ્યા હતા
ફ્લૉએડના ન્યૂ યોર્કમાં શેઝ ફ્લૉએડ, બૉમ્બે કેન્ટીન અને ઓ પેડ્રો નામની રેસ્ટોરન્ટ છે. મુંબઇ અને ગોવામાં પણ એમની રેસ્ટોરન્ટ છે. તેઓ આ વર્ષ માર્ચમાં મુંબઇ પણ આવ્યા હતા. પરત ફર્યા બાદ ફ્લૉઇડને ન્યૂયોર્કમાં વાયરલ તાવના કારણે હોસ્પિટલમાં ભરતી કરવામાં આવ્યા હતા. ત્યારબાદ એમના સંપર્કમાં આવેલા લોકોની જાણકારી એકત્રિત કરવામાં આવી.
ન્યૂયોર્કમાં ખરાબ છે પરિસ્થિતિ
અમેરિકામાં અત્યાર સુધી 54,428 લોકો કોરોના પૉઝિટીવ મળ્યા હતા અને 773 લોકોએ જીવ ગુમાવ્યા હતા. અહીંયા સૌથી ખરાબ હાલાત ન્યૂ યોર્કમાં છે જ્યાં 26430 લોકો કોરોના પૉઝિટીવ મળી આવ્યા હતા જ્યારે 271 લોકોનું મોત થઇ ગયું છે. જ્યારે ન્યૂ જર્સીમાં 3675 લોકો કોરોના પૉઝિટીવ મળી આવ્યા હતા અને 44 લોકોનું મોત થઇ ગયા છે.
સંકટમાં અમેરિકા, ટ્રંપ બિઝનેસ ચાલુ કરવા તૈયાર
વર્લ્ડ સ્વાસ્થ્ય સંગઠનના પ્રવક્તા માર્ગેટ હેરિસે મંગળવારે જ સંકેત આપ્યા હતા કે અમેરિકા બીજું ઇટલી બની શકે છે. માર્ગેટને પૂછવામાં આવ્યું હતું કે શું અમેરિકા કોરોના વાયરસનું આગળનું કેન્દ્ર બની શકે છે તો એમને કહ્યું હતું કે અમેરિકામાં જે ઝડપથી કેસ વધી રહ્યા છે, એવું થઇ શકે છે.