જન્માષ્ટમી પર્વ નિમિતે તાપી જિલ્લાના વ્યારામાં પણ કૃષ્ણ જન્મોત્સવની ઉજવણીનું જબરદસ્ત આયોજન કરવામાં આવ્યું હતું. વ્યારામાં મટકી ફોડ કાર્યક્રમમાં પ્રદેશ ભાજપ પ્રમુખ સી.આર.પાટીલ સહીતના ભાજપ આગેવાનો કાર્યકરો અને નગર અગ્રણીઓ મોટી સંખ્યામાં ઉપસ્થિત રહ્યા હતા. ઉપરાંત સુરત ખાતે પણ પ્રદેશ ભાજપ પ્રમુખ સી.આર.પાટીલ સહીતના આગેવાનો ઉપસ્થિતિ રહ્યા હતા.
“નંદ ઘેર આનંદ ભયો, જય કનૈયા લાલ કી”
વ્યારા ખાતે લાયન હાર્ટ ગૃપ દ્વારા યોજાયેલા મટકીફોડનાં કાર્યક્રમમાં હાજરી આપી, સર્વને જન્માષ્ટમીનાં પાવન પર્વની શુભેચ્છાઓ પાઠવી.
જન્માષ્ટમીના તહેવારને લઈ દેશભરમાં ધામધૂમથી ઉજવણી કરવામાં આવી રહી છે. વિવિધ જગ્યાઓ પર ક્રિષ્ન જન્મને લઈને મટકી ફોડ, રાસ- ગરબા સહીતના આયોજનો કરી વ્હાલાના જન્મના વધામણાં કરવામાં આવી રહ્યા છે અને લોકોમાં અનેરો ઉત્સાહ જોવા મળી રહ્યો છે ત્યારે આજે તાપી જિલ્લામાં પણ કૃષ્ણ જન્મોત્સવની ભવ્ય ઉજવણી કરવામાં આવી હતી.
કૃષ્ણના જન્મોત્સવની ભારે હર્ષોલ્લાસ ઉજવણી કરાઈ
વ્યારા સહિત સમગ્ર તાપી જિલ્લામાં આજે ભગવાન શ્રી કૃષ્ણના જન્મોત્સવની શાનદાર ઉજવણી કરવામાં આવી રહી છે. ગુજરાત આખું જાણે કૃષ્ણના રંગે રંગાયું હોય તેવી સ્થિતિ વચ્ચે આજે વ્યારા ખાતે મટકી ફોડનો કાર્યક્રમ ઉજવાયો હતો. આ તકે ડીજેના તાલે રાસ ગરબા પણ યોજાયા હતા. જેમાં અબીલ, ગુલાલની છોળો સાથે ભગવાન શ્રી કૃષ્ણનો જય જય કાર ગગનમાં ગૂંજ્યો હતા આ અવસરે પ્રદેશ ભાજપ અધ્યક્ષ સીઆર પાટીલ, ધારાસભ્ય મોહન ઢોળીયા સહિતના બીજેપી આગેવાનો કાર્યકરો અને નગર અગ્રણીઓ ઉપસ્થિત રહ્યા હતા અને ઉત્સવની ભારે હર્ષોલ્લાસ ઉજવણી કરાઈ હતી. વધુમાં સુરતના ભાગળ ચાર રસ્તા ખાતે પણ કૃષ્ણના જન્મોત્સવ નિમિતે મટકી ફોડ કાર્યક્રમ યોજાયો હતો. જેમાં સી. આર. પાટીલે હાજરી આપી અને દિકરીઓએ મટકી ફોડી, સશક્તિકરણનું ઉત્તમ ઉદાહરણ પૂરું પાડ્યું હતું. વધુમાં દિકરીઓને આશીર્વાદ અને શુભેચ્છાઓ પાઠવી હતી.
સુરત ભાગળ ચાર રસ્તા ખાતે યોજાયેલા “મટકી ફોડ” કાર્યક્રમમાં હાજરી આપી. દિકરીઓએ મટકી ફોડી, સશક્તિકરણનું ઉત્તમ ઉદાહરણ પૂરું પાડ્યું. દિકરીઓને આશીર્વાદ અને શુભેચ્છાઓ પાઠવ્યા.
(1/2) pic.twitter.com/1SDTtUk4Ay