પ્રખ્યાત બૉડીબિલ્ડર સેડ્રિક મેકમિલનનું 44 વર્ષની ઉંમરે નિધન થયુ છે. રિપોર્ટ મુજબ, ટ્રેડમિલ પર રનિંગ કરતી વખતે તેમને હાર્ટ એટેક આવ્યો હતો. મેકમિલન હૃદયસંબંધી અને લૉન્ગ કોવિડની પરેશાનીઓ સામે ઝઝૂમી રહ્યાં હતા. બૉડી બિલ્ડરના નિધનના સમાચાર તેના જ એક સ્પોન્સરે આપ્યાં.
મેકમિલન હૃદયસંબંધી અને કોવિડ પરેશાની સામે ઝઝૂમી રહ્યાં હતા
બૉડીબિલ્ડર હોવાની સાથે-સાથે યુએસ આર્મીના ઈન્સ્ટ્રક્ટર પણ હતા
ટ્રેડમિલ પર આવ્યો હતો હાર્ટ એટેક
મહત્વનું છે કે અમેરિકામાં રહેતા સેડ્રિક મેકમિલન એક પ્રોફેશનલ બૉડીબિલ્ડર હોવાની સાથે-સાથે યુએસ આર્મીના ઈન્સ્ટ્રક્ટર પણ હતા. તેમણે 2017માં અર્નોલ્ડ ક્લાસિક બૉડીબિલ્ડિંગ ટાઈટલ જીતીને વિશ્વભરમાં ચર્ચા જગાવી હતી. Generation Ironની રિપોર્ટ મુજબ, બૉડી બિલ્ડર મેકમિલનને ટ્રેડમિલ પર રનિંગ કરતી વખતે હાર્ટ એટેક આવ્યો હતો. ત્યારબાદ તેનુ નિધન થયુ. જણાવવામાં આવ્યું કે મેકમિલન લાંબા સમય સુધી કોરોનાથી પીડિત હતા. 2020માં રિકવર થયા બાદ પણ લૉન્ગ કોવિડ સાથે જોડાયેલી પરેશાનીથી ઝઝૂમી રહ્યાં હતા. આ સિવાય તેમને હાર્ટ સંબંધી સમસ્યા પણ હતી. તેઓ એક-બે વખત હોસ્પિટલમાં દાખલ પણ થયા હતા.
મેકમિલનને સ્પોન્સર કરનારી કંપનીએ તેના નિધનની કરી પુષ્ટિ
28 ફેબ્રુઆરીએ ઈન્સ્ટાગ્રામ પર પોસ્ટ કરવામાં આવેલા એક વીડિયોમાં મેકમિલને તેના શરીર સાથે જોડાયેલી અમુક મુશ્કેલીઓ અંગે જણાવ્યું હતુ. તેમણે કહ્યું હતુ, હું કોઈ કારણોસર ખાવાનુ અંદર રાખી શકતો નથી. જ્યારે પણ હું કોઈ વસ્તુ ખાઉ છુ તો મને એડકી આવવાની શરૂ થાય છે. પેટની અંદર કશું ટકતુ નથી. મેકમિલનને સ્પોન્સર કરનારી એક કંપનીએ બુધવારે ઈન્સ્ટાગ્રામ પર તેના નિધનની પુષ્ટી કરી. કંપનીએ લખ્યું કે અમને માહિતી આપતા દુ:ખ થાય છે કે અમારા મિત્ર અને ભાઈ સેડ્રિક મેકમિલનનું આજે નિધન થયુ. એક એથલીટ, મિત્ર અને પિતા તરીકે સેડ્રિક ખૂબ યાદ આવશે.