ક્રિકેટ / 60 વર્ષના ક્રિકેટ કરિયરમાં 7000 થી વધારે વિકેટ, હવે 85 વર્ષે લેશે સંન્યાસ

જોકે આ સત્ય છે કેમકે આટલી ઉંમરમાં જાદુ કરનારા એક ક્રિકેટર છે વેસ્ટ ઇન્ડિઝના સેસિલ રાઇટ. સેસિલ એક ફાસ્ટ બૉલર છે જે ગૈરી સોબર્સ, ગારફિલ્ડ સોબર્સ, વેસ્લે હૉલ તથા વિવિયન રિચર્ડ્સના જમાનાથી ક્રિકેટ રમી રહ્યા હતા. આ તમામ દિગ્ગજોઓએ તો ક્યારનું ગ્રાઉન્ડ છોડીને સંન્યાસ લઇ લીધો છે, પરંતુ સેસિલ અત્યાર સુધી ક્રિકેટ રમતા હતા અને છેવટે 85 વર્ષની ઉંમરમાં તેમણે ક્રિકેટમાંથી રિટારયમેન્ટની જાહેરાત કરી છે.

સેસિસ રાઇટ વેસ્ટઇન્ડિઝના ઘણા મહાન ખિલાડીઓ સાથે રમી ચૂક્યા છે. તેઓ જોએલ ગાર્નરની સાથે તો રમ્યા જ હતા, સાથે જ બારબાદોસ માટે જમૈકા વિરુદ્ઘ રમતા વેસ્લે હૉલમાં પણ બૉલિંગ કરી હતી. 1959માં સેસિલ ઇંગ્લેન્ડમાં સેન્ટ્રલ લંકાશાયર લિગમાં ક્રાંપ્ટન માટે પણ રમ્યા. આ પછી 1962માં તેણે સ્થાયી રીતે ઇંગ્લેન્ડમાં વસવાનુ મન બનાવી દીધુ અને પ્રોફેશનલ ક્રિકેટર તરીકે કરિયર શરૂ કર્યુ. સેસિલ રાઇટ 60 વર્ષ સુધી ક્રિકેટ રમ્યા, આ દરમિયાન તેમણે 7000થી  વધારે વિકેટ પોતાના નામે કરી. સિસેલ વિકેટ લેવામાં એટલા ઝડપી હતા કે કે પાંચ સિઝનમાં જ તેમણે 538 વિકેટ પોતાના નામે કરી અને આ દરમિયાન તેમની એવરેજ 27 ની હતી.

સેસિલ રાઇટે સંન્યાસની જાહેરાત કરતા સમયે કહ્યુ કે, ''હવે સમય આવી ગયો છે કે, હું મારા કરિયરને વિરામ  આપી દઉં. મને જ નથી ખબર કે હું આટલા લાંબા સમય સુધી કઇ રીતે રમી શક્યો અને તેના પાછળનું કારણ શું છે. હું પોતે નથી જાણતો જેથી તમને નહી જણાવી શકું.'' આ સિવાય જ્યારે તેમણે પૂછવામાં આવ્યુ કે અત્યાર સુધી કેટલી મેચ રમ્યા છો, તો તેમણે જવાબ આપતા કહ્યુ કે, 'કદાચ 20 લાખની આસપાસ મેચ રમી હશે'

આ સિવાય પોતાની ફિટનેસને લઇને જણાવ્યુ કે, ''લંકાશાયરની પારંપરિક ભોજનના કારણે મારી ફિટનેસ એવી છે અને હું વધારે આલ્કોહોલનું સેવન નથી કરતો. જોકે પોતાને ફિટ રાખવા માટે ક્યારેક આલ્કોહોલનુ સેવન કરવુ પડે છે.''  આ સિવાય તેમણે જણાવ્યુ કે, તેઓ ફ્રી ટાઇમમાં ટીવી જોવામાં સમય પસાર નથી કરતા પરંતુ ચાલવાનું વધારે પસંદ કરે છે. સેસિલ રાઈટ સાત સપ્ટેમ્બરે પોતાની છેલ્લી મેચ રમશે. તે પેન્નિને લીગમાં અપરમિલ માટે સ્પ્રિંગહેડ વિરુદ્ઘ ગ્રાઉન્ડમાં રમશે.