જમ્મૂ કાશ્મીર / પાકિસ્તાનનું LOC પાસે સીઝફાયર ઉલ્લંઘન, મહિલા સહિત 3 નાગરિકોના મોત

• પાકિસ્તાનનું જમ્મૂ કાશ્મીરમાં સીઝફાયર ઉલ્લંઘન જારી
• પાકિસ્તાન તરફથી એલઓસીની પાસે કુપવાડા જિલ્લાના કેરન સેક્ટરમાં ભારે ફાયરિંગ કરાયું

સમાચાર મળી રહ્યા છે કે જમ્મૂ કાશ્મીરના કુપવાડા જિલ્લાના કેરન સેક્ટરમાં પાકિસ્તાન તરફથી કરાયેલી ફાયરિંગમાં એક મહિલા અને એક બાળક સહિત ત્રણ નાગરિકોના મોત થયા છે. જ્યારે એલઓસી પાસેના પૂંછ જિલ્લાના મેંઢર અને બાલાકોટ સેક્ટરમાં પણ નાના હથિયારો અને મોર્ટારથી હુમલો કરાયો હતો. પાકિસ્તાનની આ નાપાક હરકતનો ભારતીય સેનાએ મુંહતોડ જવાબ આપ્યો હતો.

Jammu & Kashmir: 3 civilians were killed in shelling by Pakistan in Rangwar area of Kupwara district, earlier today pic.twitter.com/tFierwY99Z

— ANI (@ANI) April 12, 2020

શનિવારે મોડી રાત્રે પણ પાકિસ્તાન તરફથી ફાયરિંગ કરાયું હતું જેમા એક મહિલા ઘાયલ થઇ ગઇ હતી. જેને બાદમાં હોસ્પિટલમાં દાખલ કરાઇ હતી, જ્યાં તેની હાલત સ્થિર બતાવાઇ છે. બાલાકોટના મેંઢરમાં શનિવારે કેટલાય કલાકો સુધી પાકિસ્તાને સંઘર્ષ વિરામનું ઉલ્લંઘન કર્યું હતું. બાદમાં સેનાને જવાબી કાર્યવાહી કરવી પડી હતી. 

અધિકારીઓએ જણાવ્યું છે કે પાકિસ્તાની ફાયરિંગમાં ઘણા ઘરોને નુકશાન પહોંચ્યું હતું. અધિકારીઓએ જણાવ્યું કે જમ્મૂના એક ક્ષેત્ર કઠુઆ જિલ્લામાં આંતરરાષ્ટ્રીય સીમાની પાસે હીરાનગર સેક્ટરમાં આખી રાત પાકિસ્તાની રેન્જર્સ અને બીએસએફ વચ્ચે ભારે ફાયરિંગ થયું હતું.