જંગ / યુદ્ધવિરામ હવે હાથવેંતમાં ! યુક્રેન શાંતિ મંત્રણા માટે તૈયાર, બેલારુસમાં મોકલ્યું દળ- રશિયન મીડિયા

• યુક્રેનમાં યુદ્ધ વચ્ચે એક મોટા સમાચાર 
• બેલારુસમાં શાંતિ મંત્રણા માટે યુક્રેન તૈયાર થયું
• રશિયન મીડિયાના દાવાથી યુદ્ધવિરામની સંભાવના વધી

યુક્રેનમાં યુદ્ધ વચ્ચે એક મોટા સમાચાર સામે આવી રહ્યા છે. કહેવાય છે કે યુક્રેને બેલારુસમાં વાતચીત માટે સહમતી દર્શાવી હતી. આ દાવો રશિયન મીડિયાએ કર્યો છે. રશિયન મીડિયાનો દાવો છે કે યુક્રેનનું પ્રતિનિધિમંડળ બેલારુસ જવા રવાના થયું છે, જ્યાં તેઓ રશિયાના રાષ્ટ્રપતિ વ્લાદિમીર પુતિનના સહયોગીઓને મળશે.

Ukraine agrees to hold talks with Russia in Belarus – Moscow: Russian State Media

— ANI (@ANI) February 27, 2022

બેલારુસમાં મોકલ્યું દળ
રશિયન મીડિયામાં એવો પણ દાવો કરવામાં આવ્યો છે કે યુક્રેને તેના એક પ્રતિનિધિમંડળને બેલારુસ મોકલી આપ્યું છે જે રશિયાના પ્રતિનિધિઓ સાથે મંત્રણા કરીને કોઈ ઉકેલ કાઢશે. આ પહેલા બેલારુસમાં શાંતિ મંત્રણા માટે યુક્રેને ના પાડી દીધી હતી અને બેલારુસને બદલે બીજા કોઈ સ્થળે શાંતિ મંત્રણાનું જણાવ્યું હતું પરંતુ રશિયા બેલારુસમાં જ વાતચીત કરવા મક્કમ રહ્યું હતું. 

યુક્રેનને મળી પહેલી સફળતા

રશિયા સાથે ચાલી રહેલા યુદ્ધમાં યુક્રેનને પહેલી મોટી સફળતા મળી હોવાનો દાવો કરાયો છે. ખારકીવના ગર્વનર ઓલેહ સિનેગુબોવે જણાવ્યું છે કે યુક્રેની દળોએ દેશના બીજા મોટા શહેર ખારકીવ પર કબજો મેળવી લીધો છે. યુક્રેની દળોએ ખારકીવને રશિયન સૈનિકોની પકડમાંથી છોડાવી લીધું છે. ગર્વનર ઓલેહ સિનેગુબોવે કહ્યું કે ખારકીવ પર અમે અમારો સંપૂર્ણ કબજો છે. સશસ્ત્ર દળ, પોલીસ અને રક્ષા દળ પોતપોતાનું કામ કરી રહ્યાં છે અને શહેરમાંથી દુશ્મનોનો સફાયો કરવામાં આવી રહ્યો છે. 
 
ખાર્કીવ પરનું નિયંત્રણ સંપૂર્ણપણે અમારું છે: ગવર્નર ઓલેહ સિનેગુબોવ

ખારકીવના ગવર્નર ઓલેહ સીનેગુબોવે ટેલિગ્રામ પર લખ્યું છે, "ખાર્કિવ પરનો અંકુશ સંપૂર્ણપણે અમારો છે! સશસ્ત્ર દળો, પોલીસ અને સંરક્ષણ દળો તેમનું કામ કરી રહ્યા છે, અને શહેરને દુશ્મનથી સંપૂર્ણપણે સાફ કરવામાં આવી રહ્યું છે.