રિટાયર્ડ કર્નલ વિજય રાવત શહીદ CDS જનરલ બિપિન રાવતના નાના ભાઈ છે. ભાજપ તેમને ઉત્તરાખંડમાંથી ચૂંટણી લડાવે તેવી શક્યતા છે. વિજય રાતવે સવારે ઉત્તરાખંડના મુખ્યમંત્રી પુષ્કર સિંહ ધામી સાથે મુલાકાત કરી હતી. ત્યાર બાદ કહ્યું કે તેમની વિચારધારા ભાજપ સાથે મળે છે અને પાર્ટી કહેશે ચૂંટણી લડીશ.
મારા પિતા પણ ભાજપમાં હતા અને હવે મને તક મળી-વિજય રાવત
ભાજપમાં જોડાયા બાદ કર્નલ રાવતે કહ્યું કે તેઓ પ્રધાનમંત્રી મોદીના ભવિષ્યવાદી વિઝનના વખાણ કરે છે. તેમણે કહ્યું કે ભાજપમાં સામેલ થવાની મને જે તક અપાઈ છે તે બદલ હું ઋણી છું. મારા પિતા પણ નિવૃતી બાદ ભાજપમાં જોડાયા હતા અને હવે મને તક અપાઈ છે.
Colonel Vijay Rawat (retired), younger brother of Late CDS General Bipin Rawat joins BJP, in Delhi. pic.twitter.com/JXzSr6RDMf
ભાજપમાં સામેલ થયા બાદ વિજય રાવતે કહ્યું કે મને પ્રધાનમંત્રી મોદીનું બ્રોડ વીઝન પસંદ છે. પીએમ મોદીની વિચારસરણી અને વિઝન વધારે વાસ્તવાદી અને ભવિષ્યવાદી છે અને તેમના આ વિઝનને કારણે મને ભાજપમાં સામેલ થવાની તક મળી છે. પીએમ મોદી અલગ હટીને વિચારનાર વ્યક્તિ છે. તેઓ ભવિષ્યવાદી વિઝન ધરાવે છે.
ઉત્તરાખંડની કોઈ બેઠક પર ટિકિટ મળી શકે
ભાજપ વિજય રાવતને ઉત્તરાખંડની કોઈ બેઠક પર ચૂંટણી લડાવે તેવી શક્યતા છે. ભાજપે તેમને ટિકિટ આપવાનો ઈશારો પણ કરી દીધો છે. ખુદ વિજત રાવત કહી ચૂક્યા છે પાર્ટી મને તો તેઓ ચૂંટણી લડવા તૈયાર છે.
વિજય રાવતના મોટાભાઈ CDS જનરલ બિપિન રાવત હેલિકોપ્ટર ક્રેશમાં શહીદ થયા હતા
ઉલ્લેખનીય છે કે બે મહિના પહેલા વિજય રાવતના મોટાભાઈ CDS જનરલ બિપિન રાવત અને તેમની પત્ની મધુલિકા રાવત હેલિકોપ્ટર ક્રેશમાં શહીદ થયા હતા.