IPLIN
 

કૂન્નુર ક્રેશ / CDS બિપિન રાવતની શહાદત પર પાકિસ્તાન પણ આઘાતમાં, સેનાએ ટ્વિટ કરીને જુઓ શું કહ્યું

Team VTV 09:34 PM, 08 Dec 21
Follow us
cds bipin rawat death in helicopter crash pakistani army reaction

પાકિસ્તાન સેનાએ હેલિકોપ્ટર દુર્ઘટનામાં સીડીએસ બિપિન રાવતના મોત પર દુઃખ વ્યક્ત કર્યું છે.

  • CDS બિપિન રાવતના મોત પર પાકિસ્તાન શોકમગ્ન 
  • પાકિસ્તાની સેનાએ ટ્વિટ કરીને મોતનો શોક મનાવ્યો
  • પાક.લોકો પણ શોક વ્યક્ત કરી રહ્યા છે

CDS બિપિન રાવતની શહાદત પર દેશ અને દુનિયા આઘાતમાં છે ત્યારે પાકિસ્તાન પણ આ ઘટનાથી શોકમન્ન બન્યું છે. પાકિસ્તાની સેનાએ તેના સત્તાવાર ટ્વિટર એકાઉન્ટ પરથી ટ્વીટ કર્યું હતું કે, "જનરલ નદીમ રઝા, જનરલ કમર જાવેદ બાજવા અને ઓએએસભારતમાં હેલિકોપ્ટર દુર્ઘટનામાં સીડીએસ જનરલ બિપિન રાવત, તેમની પત્ની અને અન્ય લોકોના કમનસીબ મૃત્યુ અંગે સંવેદના વ્યક્ત કરે છે.

તમામ પાકિસ્તાનીઓ પણ શોક વ્યક્ત કરી રહ્યા છે

સીડીએસ બિપિન રાવતના મોતના સમાચાર પર તમામ પાકિસ્તાનીઓ પણ શોક વ્યક્ત કરી રહ્યા છે.  યુઝર એમ નોમાને લખ્યું હતું કે, "સીડીએસ બિપિન રાવતના મૃત્યુના સમાચાર સાંભળીને આઘાત લાગ્યો હતો. મારી સંવેદનાઓ આ અકસ્માતમાં માર્યા ગયેલા લોકોના પરિવારો સાથે છે.

પાકિસ્તાની યૂઝર્સ શું કહ્યું જાણો 

ઘણા લોકો પાકિસ્તાની સેનાના વખાણ પણ કરી રહ્યા છે. એક યુઝર ઇબ્રાહિમ હનીફે લખ્યું હતું કે, "માનવતા પહેલા આવે છે અને પાકિસ્તાની આર્મીએ પ્રોફેશનલીઝ દર્શાવ્યો છે. અમે નફરતમાં માનતા નથી.બીજી તરફ મન્સૂર નામના યુઝરે લખ્યું હતું કે, "આ માનવતાનો સંદેશ છે. જો આપણો દુશ્મન દુર્ઘટનામાં મરી જાય તો પણ તે જાનહાનિ છે. માનવતાના આધારે આપણે તેના વિશે ખુશ ન થવું જોઈએ. આપણે આપણા પડોશી દેશની પીડા વહેંચવી જોઈએ.

કુન્નુર હેલિકોપ્ટર ક્રેશમાં સીડીએસ રાવતની પત્ની સહિત 13 લોકોના મોત

તમિલનાડુમાં બુધવારે કુન્નુરમાં થયેલા અકસ્માતમાં સીડીએસ રાવતની પત્ની સહિત 13 લોકોના મોત થયા હતા. આ સમાચારથી દેશભરમાં આઘાતનું મોજું છવાઈ ગયું છે. પાકિસ્તાનના લોકો સીડીએસ બિપિન રાવતઅને અકસ્માતમાં માર્યા ગયેલા લોકોના મોત અંગે પણ સંવેદના વ્યક્ત કરી રહ્યા છે.

cds bipin rawat bipin rawat death coonoor helicopter crash સીડીએસ બિપિન રાવત બિપિન રાવત મોત કૂન્નુર હેલિકોપ્ટર ક્રેશ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ