જીનીંગ મીલમાં અડધી રાતે બુકાનીધારીઓએ પાડ્યું બાંકોરું જુઓ CCTV

જામનગરના ફલ્લા ગામમાં આવેલી ધરતી કોટેક્ષ નામની જીનીંગ મીલમાં ચોરીની ઘટના સામે આવી છે. 4 અજાણ્યા શખ્સોએ ઓફિસમાંથી 2 લાખ 60 હજાર રૂપિયાની ચોરી કરી છે. ઓફિસની દિવાલથી કુદીને તસ્કરોએ તિજોરીમાં રાખેલા 2 લાખ 60 હજાર રૂપિયાની ચોરી કરી છે.

ચોરીની આ સમગ્ર ઘટના CCTVમાં કેદ થઈ છે. ત્યારે હવે આ મામલે પોલીસ સ્ટેશનમાં ફરિયાદ નોંધવામાં આવી છે. પોલીસે આરોપીઓને શોધવા માટે CCTVના આધારે તપાસ શરૂ કરી છે.

ઉલ્લેખનીય છે કે જામનગર-રાજકોટ રોડ પર આવેલ આવેલ ધરતી કોટેક્સ નામની જીનીંગ મીલમાં ગત મોડી રાતે કેટલાક અજાણ્યા શખ્સોએ મોંઢા પર બુકાની બાંધીને પ્રવેશ કર્યો હતો અને તિજોરીમાં રાખવામાં આવેલ 2 લાખથી વધુની રકમની ઉઠાંતરી કરીને રવાના થયા હતા. જો કે સમગ્ર ઘટના અંગે વહેલી સવારે જાણકારી મળતા પોલીસ કાફલો ઘટના સ્થળે આવી પહોંચ્યો હતો અને પ્રાથમિક તપાસ હાથ ધરી હતી.

આપને જણાવી દઇએ કે રાજ્યમાં છેલ્લા કેટલાક સમયગાળાથી ચોરીના માતબર બનાવો બની રહ્યા છે ત્યારે ગતરાતે વધુ એક બનાવ પ્રકાશમાં આવ્યો હતો. ત્યારે આ ચોરીની ઘટનામાં સંડોવાયેલાને તાત્કાલિક અસરથી પકડી લેવા સ્થાનિક પોલીસે ચક્રો ગતિમાન કર્યા છે.