શરમજનક / VIDEO : દારુના નશામાં ભાન ભૂલ્યો સિક્યુરીટી ગાર્ડ, PG હોસ્ટેલમાં છોકરીઓની કરી છેડતી, વીડિયો વાયરલ

• દિલ્હીની કરોલ બાગની પીજીમાં સિક્યુરીટી ગાર્ડની શરમજનક હરકત 
• દારુના નશામાં છોકરીઓની છેડતી કરી 
• ઘટના સીસીટીવીમાં ઝડપાઈ, સોશિયલ મીડિયા પર વાયરલ થયો વીડિયો
• દિલ્હી મહિલા પંચના અધ્યક્ષ સ્વાતી માલીવાલે પોલીસને ફરિયાદ દાખલ કરવાનું કહ્યું 

દારુના નશામાં માણસ ભાન ભૂલતો હોય છે અને ન કરવાના કામો કરતો હોય છે. ત્યારે હવે દિલ્હીની પીજી હોસ્ટેલમાં કામ કરનાર એક સિક્યુરીટી ગાર્ડ એક મોટી શરમજનક હરકત કરીને બદનામ થયો છે. 

દારુના નશામાં કરી છોકરીઓની છેડતી 
દિલ્હીના કરોલ બાગ વિસ્તારમાં આવેલી ગોલ્ડ્સ વિલા પીજીમાં મંગળવારે એક આઘાતજનક ઘટના બની હતી. અહીં કામ કરનાર એક સિક્યુરીટી ગાર્ડ ઘણી છોકરીઓ સાથે છેડતી કરી હતી. હોસ્ટેલની રુમમાંથી જ્યારે છોકરીઓ બહાર નીકળી રહી હતી ત્યારે સિક્યુરીટી ગાર્ડે તેમને પકડી લીધી હતી અને તેની સાથે છેડતી કરી હતી. દારુના નશામાં સિક્યુરીટી ગાર્ડ ભાન ભૂલ્યો હતો અને તે ન કરવાનું કરી બેઠો હતો. સિક્યુરીટી ગાર્ડની આ છેડતી ત્યાં લાગેલા સીસીટીવી કેમેરામાં ઝડપાઈ ગઈ હતી જે પછી તેનો વીડિયો સોશિયલ મીડિયા પર વાયરલ થયો હતો. 

સિક્યુરીટી ગાર્ડે છોકરીઓને માર માર્યો હોવાનો પણ આરોપ

દારુના નશામાં રહેલા સિક્યુરીટી ગાર્ડે છોકરીઓને માર માર્યો હોવાનું પણ કહેવાય છે. આ સમગ્ર ઘટના સીસીટીવી કેમેરામાં ઝડપાઈ હતી. 

करोल बाग में चल रहे एक PG hostel में सिक्योरिटी गार्ड ने नशे की हालत में लड़कियों के साथ छेड़खानी और मारपीट की. हमें ट्विटर के जरिए शिकायत मिली, मामले की गंभीरता को देखते हुए पुलिस को नोटिस जारी किया है. मामले में कड़ी कार्यवाही सुनिश्चित करेंगे। pic.twitter.com/6smwjfqEJB

— Swati Maliwal (@SwatiJaiHind) August 16, 2022

દિલ્હી મહિલા પંચના અધ્યક્ષે પોલીસને ફરિયાદનો આપ્યો આદેશ 
સિક્યુરીટી ગાર્ડ દ્વારા છોકરીઓની છેડતીનો વીડિયો વાયરલ થયા બાદ દિલ્હી મહિલા પંચના અધ્યક્ષ સ્વાતી માલીવાલે પણ એક્શનમાં આવ્યાં હતા અને તેમણે દિલ્હી પોલીસને આ કેસમાં તાત્કાલિક ફરિયાદ દાખલ કરવાનો અને આરોપી ગાર્ડની ધરપકડનો આદેશ આપ્યો હતો. સોશિયલ મીડિયા પર પોસ્ટ કરવામાં આવેલા વીડિયોમાં એક વ્યક્તિ છેડતી કરતો જોવા મળી રહ્યો છે. આ શખ્સ પીજીનો જ સિક્યુરિટી ગાર્ડ હોવાનું કહેવાય છે.