CCTVમાં કેદ થયો પતિનો પત્ની પર અત્યાચાર સાસુ-દિકરાએ માર્યો ઢોરમાર

અમદાવાદઃ મેઘાણીનગરમાં પતિ પત્નીના લાઈવ મારામારીના CCTV ફૂટેજ સામે આવ્યા છે. 4 વર્ષના દિકરાની આંખ સામે પિતાએ માતા સાથે મારઝૂડ કરી. પીડિતાનો આક્ષેપ છે કે તેનો પતિ તેને અન્ય પુરૂષ સાથે સંબંધ બાંધવા માટે મજબૂર કરતો હતો. જેથી પોલીસે આ ઘટનાને ગંભીરતાથી લઈ કડક કાર્યવાહી હાથ ધરી છે. 

ઘટનાની વિગત એવી છે કે મેઘાણીનગરમાં બગલા એરિયામાં રહેતી પીડિતાએ મેઘાણીનગર પોલીસ સ્ટેશનમાં ફરિયાદ નોંધાવી છે કે તેના પતિ અને સાસુ દ્વારા વારંવાર તેની સાથે મારઝૂડ કરવામાં આવે છે. આપ દ્રશ્યોમાં પણ જોઈ શકો છો કે પતિ અને તેની માતા દ્વારા પીડિતા પર કેવી રીતે ત્રાસ ગુજારાય છે. 

પીડિતાએ આક્ષેપ કર્યો છે કે તેના પતિ અને સાસુ ગાંધીનગરમાં રહેતા શુક્લા નામના એક અધિકારી પાસે સંબંધ બાંધવા માટે મજબૂર કરે છે. આ અધિકારી ગાંધીનગરમાં ફરજ બજાવે છે અને પોતાનું કામ કઢાવવા માટે દબાણ કરતા હતા.


જેનો વિરોધ કરતા પીડિતાની સાથે મારઝૂડ કરવામાં આવી. અગાઉ પર પીડિતાએ ત્રણ વાર ફરિયાદ કરી છે. ઘટના બાદ પીડિતાનો પતિ ઘર બંધ કરીને ફરાર થઈ ગયો હતો. તો પોલીસે આરોપીઓની ધરપકડ કરવા માટે કાર્યવાહી હાથ ધરી છે.