LIVE હત્યાઃ જાહેરમાં 2 શખ્સોએ લાકડી-ધારિયાથી માર મારી યુવકનું ઢીમ ઢાળી દીધુ

મહેસાણા: શહેરમાં કાયદો અને વ્યવસ્થા કથળેલી હાલતમાં છે. ત્યારે શહેરના શાહીબાગ સોસાયટી સામે એક યુવકની હત્યા કરી દેવામાં આવી હતી. જોકે આ સમગ્ર ઘટના સીસીટીવી કેમેરામાં કેદ થઈ ગઈ હતી.

બે આરોપી સામેની સાઈડથી દોડીને આવે છે. રસ્તાની બાજુમાં ચાલીને જતા યુવક(જયંતિભાઇ)ને અચાનક જ માર મારવા લાગે છે. એક આરોપીના હાથમાં લાકડી છે. તો એક આરોપીના હાથમાં ધારિયા જેવું હથિયાર છે. 

જોકે આ ઘટના 21 મેની છે. બન્ને શખ્સ યુવક પર તૂટી પડે છે અને લાકડીના અનેક ફટકા મારે છે. તો ધારિયુ લઈને આવેલો આરોપી યુવાન પર પ્રહાર કરે છે. જેથી યુવક નીચે ઢળી પડે છે.

ત્યાર બાદ બન્ને આરોપી ત્યાંથી ફરાર થઈ જાય છે. આ ઘટના 21 મેએ ઘટી હતી. ત્યારબાદ યુવકને સારવાર અર્થે ખસેડવામાં આવ્યો હતો. જ્યાં તેનું 7 દિવસની સારવાર બાદ મોત નિપજ્યું છે. પરિવાર શોકમાં ડુબેલો છે.



વીડિયોમાં આપ જોઇ શકો છો... હુમલા ખોરો એક બાદ એક પ્રહાર કરી રહ્યા છે. લાકડી અને ધારિયા વડે માર મારે છે. ત્યાર બાદ જયંતિભાઇ ઢળી પડે છે. બીજી તરફ બાઇક ચાલક પસાર થાય છે પરંતુ તે બચાવવા આવતો નથી. આમ રોડ પરથી બે બાઇકો પસાર થાય છે પરંતુ કોઇ પણ બચાવવા માટે હિમ્મત નથી કરતું.

મળતી માહિતી અનુસાર હત્યા પાછળનું કારણ સામે આવ્યું છે. જેમાં ગત 12મીએ જયંતિભાઇ પટેલ નામના યુવક પર રામણ પોપટભાઇ અને રામણ બાબુભાઇએ હુમલો કર્યો હતો. આ હુમલો છુટાછેડામાં ભાગ લેવાને લઇને થયો હતો. આરોપીઓએ જયંતિભાઇએ છુટાછેડામાં ભાગ લીધો હતો જેનો બદલો લેવા હુમલો કર્યો હતો.

બે યુવકોએ ઘાતકી હથિયારો સાથે આવી યુવકની હત્યા કરી હતી. જેનો વિડીયો સોશિયલ મિડીયામાં પોલીસ તપાસ હાથ ધરી છે. આ મામલે પોલીસે બન્ને હુમલાખોરને ઝડપી લીધા છે. હત્યાનો ગુનો નોંધીને વધુ કાર્યવાહી હાથ ધરી છે.