VIDEO: હેલ્મેટ અને સીટબેલ્ટ નહીં હોય તો થશે દંડ આજથી ઇ-મેમોના શ્રીગણેશ

અમદાવાદ: છેલ્લાં કેટલાંક સમયથી બંધ ટ્રાફિક વિભાગની ઈ-મેમો સેવાનો આજથી ફરી પ્રારંભ થયો છે. અમદાવાદ સહિત રાજ્યભરમાં ટ્રાફિક નિયમોના ભંગ બદલ ઈ-મેમોનો આજથી પ્રારંભ કરવામાં આવ્યો છે.  જે અંતર્ગત શહેરમાં CCTV કેમેરાથી મોનિટરિંગ થશે. હાલમાં શહેરના 63 જંક્શનો પર 1320 સીસીટીવી કેમેરા લગાવાવમાં આવ્યા છે. 

ટ્રાફિક વિભાગની કડક સૂચનાના પગલે ટ્રાફિક પોલીસકર્મી રોજના 6 હજાર ઈ-મેમો ઈશ્યૂ કરશે. ઈ-મેમોમાં સૌથી ઓછો દંડ હેલ્મેટ ના પહેરવા બદર 100 રૂ. હશે. જો કે કેટલાક વાહન ચાલકો ચાલુ વાહને મોબાઈલ પર વાત કરતા હોવાથી ચાલુ વાહને ફોનનો ઉપયોગ કરનારાઓ માટે સૌથી વધુ રૂ. 1000નો દંડ રાખવામાં આવ્યો છે.  

ઉલ્લેખનીય છે કે ટ્રાફિક નિયમોના ભંગના કારણે રોડ-અકસ્માતોમાં નિર્દોષ નાગરિકોની જાનહાનિ નિવારવા માટે ઈ-ચલણ મેમોની શરુઆત કરવામાં આવી હતી પરંતુ કેટલાક ટેકનીકલ કારણોસર તેને બંધ કરી દેવાઈ હતી. હવે તે આજથી એટલે કે ૧૫મી એપ્રિલ ૨૦૧૮થી જ રાજ્યભરમાં સીસીટીવી કેમેરાની મદદ લેવાશે અને ઈ-ચલણ મેમો આપવાનો પ્રારંભ કરાશે.

આ CCTVના કારણે ટ્રાફિક ભંગના ગુનાઓ પર નિયંત્રણ લાવી શકાશે. રાજ્યમાં ગુનાઓનું પ્રમાણ ઘટે અને તપાસ ઝડપી બને તે માટે ગુજરાત સરકારે રાજ્યમાં સીસીટીવીનું નેટવર્ક ઊભું કરવાનું કામ હાથમાં લીધું છે.