વટવા GIDCની કંપનીમાં ધુળેટીએ મિત્રો ભેગા થયા હતા. ત્યારે ભઠ્ઠીમાં સળગાવવાનાં લાકડાં વડે મિત્રને ફટકા મારીને હત્યા કરી. પોલીસે આરોપીની કરી ધરપકડ. કોણ છે આરોપી અને કેમ કરી હત્યા.
અમદાવાદમાં વટવા GIDCમાં હત્યાનો મામલો
ધૂળેટીની મજાક મસ્તીમાં ઉશ્કેરાઈ ગયેલા મિત્રએ મિત્રની હત્યા કરી
હત્યાના CCTV આવ્યા સામે
પોલીસે આરોપીની કરી ધરપકડ
ધુળેટીનું પર્વ હર્ષોલ્લાસથી મનાવવામાં આવે છે. ત્યારે એક દુ:ખદ ઘટના વટવા જીઆઇડીસીથી સામે આવી છે. ધુળેટીના તહેવારમાં મજાક મસ્તીમાં ઉશ્કેરાઈ ગયેલા મિત્રએ મિત્રને ભઠ્ઠીમાં સળગાવવાનાં લાકડાં વડે ફટકા મારીને હત્યા કરી નાખતાં ચકચાર મચી ગઈ છે. પોલીસ કસ્ટડીમાં જોવા મળતો આરોપી કાનુ નાયક છે. જેને પોતાના મિત્ર દિપક નાયકની હત્યા કતી દીધી. વટવા GIDCમાં ડાયનેમિક ડાયઝ નામની કંપનીમાં કામ કરતા કારીગરો કાનુ નાયક, તેનો ભાઈ મનુ નાયક, દિપક નાયક અને સત્યા નાયક ધુળેટીનો તહેવાર હોવાથી કંપનીમાં રજા હતી.
મજાક મસ્તીમાં થયેલ ઝઘડાએ ઉગ્ર સ્વરૂપ ધારણ કર્યું
જેથી તમામ મિત્રો કંપનીમાં ધુળેટી રમી રહ્યા હતા. બપોરના સમયે દિપક અને આરોપી કાનુ નાયકના ભાઈ મનું વચ્ચે મજાક મસ્તીમાં ઝઘડો થયો. દીપકે મનુને બે લાફા ઝીકી દીધા. આ સમયે અન્ય કારીગરોએ ઝઘડો નહીં કરવા સમજાવતા તેઓની વચ્ચે સમાધાન થયું. પરંતુ રાત્રે તેઓ જમવાનું બનાવીને પાર્ટી કરતા હતા ત્યારે કાનુએ કંપનીની ભઠ્ઠીમાં સળગાવવાનાં લાકડાંમાંથી એક લાકડું લઇ આવીને દીપકને ઉપરાઉપરી ફટકા મારી હત્યા કરી દીધી.
— VTV Gujarati News and Beyond (@VtvGujarati) March 9, 2023
વટવા GIDC પોલીસે હત્યા કેસમાં આરોપીની ધરપકડ કરી
વટવા જીઆઈડીસીમાં નોકરી કરતા સત્યા નાયકે હત્યાની ફરિયાદ નોંધાવી છે. મૂળ ઓરિસ્સાનો સત્યા છેલ્લાં ત્રણ વર્ષથી નોકરી કરે છે. તેની કંપનીમાં તેના ગામના દીપક નાયક, કાનુ નાયક અને કાનુનો ભાઈ મનુ પણ સાથે નોકરી કરે છે. બધા સાથે કંપનીમાં રહે છે. મૃતક દીપક નાયક સત્યા સાથે રહેતો અને તેનાં બાળકો તેમજ પત્ની વતનમાં રહે છે. દિપક થોડા દિવસ પહેલા જ આ કંપનીમાં નોકરી કરવા વતનથી આવ્યો હતો. ધુળેટી ના પર્વની મજાક મસ્તીમાં મિત્રો વચ્ચે ખૂની ખેલ ખેલાયો. વટવા GIDC પોલીસે હત્યા કેસમાં આરોપી કાનુ નાયકની ધરપકડ કરી છે.