કાર્યવાહી / હોટલ બુકિંગ કંપની MakeMyTrip, Goibibo, OYOને 392 કરોડનો દંડ, જાણો સરકારે કેમ કરી કાર્યવાહી

• MakeMyTrip, Goibibo, OYOએ ગ્રાહકો સાથે કરી છેતરપિંડી
• CCIએ ત્રણેયને ફટકાર્યો 392 કરોડનો દંડ
• અનુચિત બિઝનેસ કરવા બદલ કરાઈ કાર્યવાહી 
• ઓનલાઈન બુકિંગ એજન્સી છે ત્રણેય કંપનીઓ 

કોમ્પિટિશન કમિશને બુધવારે ઓનલાઇન ટ્રાવેલ કંપનીઓ MakeMyTrip, Goibibo અને હોસ્પિટાલિટી સર્વિસ પ્રોવાઇડર OYOને અયોગ્ય બિઝનેસ પ્રેક્ટિસ માટે કુલ 392 કરોડ રૂપિયાથી વધુનો દંડ ફટકાર્યો છે. બિઝનેસમાં અનુચિત વ્યવહાર કરવા બદલ ત્રણેય કંપનીઓને તગડો દંડ કરાયો છે. 

CCI imposes penalties of Rs 223.48 crores and Rs 168.88 crores upon MMT-Go and OYO respectively, besides directing MMT-Go to amend its market behaviour, for indulging in anti-competitive conduct.

— ANI (@ANI) October 19, 2022

કઈ એજન્સીને કેટલો દંડ 
મેક માય ટ્રિપ-ગોઇબીબોને  223.48 કરોડ અને OYO પર 168.88 કરોડ રૂપિયાનો દંડ ફટકારવામાં આવ્યો છે. 

હોટેલ એન્ડ રેસ્ટોરન્ટ સંગઠને લગાવ્યો હતો આવો આરોપ 
ફેડરેશન ઓફ હોટેલ એન્ડ રેસ્ટોરન્ટ એસોસિએશન્સ ઓફ ઇન્ડિયાએ આરોપ લગાવ્યો હતો કે ઓયો અને નાસ્ડેક-લિસ્ટેડ મેકમાયટ્રિપ વચ્ચે તેના પ્લેટફોર્મ પર ઓયોને પ્રાધાન્ય આપવા માટેના કરારને કારણે ફેબ હોટેલ્સ અને ટ્રીબો જેવી બીજી કંપનીઓ માર્કેટમાં આવી શકી નહોતી. એફએચઆરએઆઈએ એવો પણ આરોપ લગાવ્યો હતો કે ઓયો અને મેકમાયટ્રિપે વધારે પડતી છૂટ આપીને હોટલો પાસેથી "અતિશય" ફી વસૂલીને સ્પર્ધાને નુકસાન પહોંચાડી રહ્યા છે. દંડ લાદવા ઉપરાંત કોમ્પિટિશન કમિશન ઓફ ઇન્ડિયા (સીસીઆઇ)એ ત્રણેય કંપનીઓને તેની હોટેલ/ચેઇન હોટેલ પાર્ટનર્સ પર લાદવામાં આવેલી કિંમત અને રૂમની ઉપલબ્ધતા સમાનતાની જવાબદારીઓ દૂર કરવા/ત્યજી દેવા માટે હોટેલ્સ/ચેઇન હોટેલ્સ સાથેના તેના કરારોમાં યોગ્ય સુધારો કરવા" સૂચના આપી છે. આ ઉપરાંત, સીસીઆઈએ કેટલીક વિશિષ્ટ પરિસ્થિતિઓને દૂર કરવા માટે કરારોમાં ફેરફાર કરવા જણાવ્યું છે.