પ્રથમ મેચમાં મુંબઈ અને અમદાવાદની ટીમો આમને-સામને થશે. મુંબઈની માલિકી મુકેશ અંબાણીની છે. જ્યારે, અમદાવાદના માલિક ગૌતમ અદાણી છે. આ મેચમાં ભારતના આ બે મોટા ઉદ્યોગપતિઓ અપ્રત્યક્ષ રીતે આમને-સામને હશે.
વિમેન્સ પ્રીમિયર લીગ 4 માર્ચથી શરૂ થશે
5 માર્ચે CCIમાં બેંગલુરુ અને દિલ્હીની ટીમ વચ્ચે રમાશે
વાનખેડે સ્ટેડિયમમાં મહિલા IPL મેચોનું આયોજન કરાશે નહીં
વિમેન્સ પ્રીમિયર લીગ 4 માર્ચથી શરૂ થશે. પ્રથમ મેચ મુંબઈ અને અમદાવાદ વચ્ચે રમાશે. આ લીગની પ્રથમ સિઝન કુલ 23 દિવસ ચાલશે. ફાઈનલ મેચ 26 માર્ચે રમાશે. બીસીસીઆઈએ આ લીગના શેડ્યૂલને લઈને કોઈ સત્તાવાર માહિતી આપી નથી, પરંતુ મીડિયા રિપોર્ટ્સ અનુસાર, ભારતીય ક્રિકેટ કંટ્રોલ બોર્ડ મહિલા પ્રીમિયર લીગના બ્લોકબસ્ટર ઓપનિંગની યોજના બનાવી રહ્યું છે.
WPLની બીજી મેચ 5 માર્ચે CCIમાં બેંગલુરુ અને દિલ્હીની ટીમ વચ્ચે રમાશે
BCCI મુંબઈના ડીવાય પાટિલ સ્ટેડિયમમાં મહિલા પ્રીમિયર લીગ શરૂ કરવાની યોજના બનાવી રહી છે. આ લીગનું આયોજન મુંબઈના CCI અને DY પાટિલ સ્ટેડિયમમાં થઈ શકે છે. વાનખેડે સ્ટેડિયમ મહિલા IPL મેચોનું આયોજન કરશે નહીં કારણ કે ભારતની પુરૂષ ટીમ માર્ચ મહિનામાં આ જ મેદાન પર ઓસ્ટ્રેલિયા સામે ODI રમશે. આ પછી એપ્રિલમાં આ ગ્રાઉન્ડમાં આઈપીએલની મેચો પણ યોજાશે. મુંબઈ ઈન્ડિયન્સની ટીમ પણ આઈપીએલ પહેલા અહીં પ્રેક્ટિસ કરશે. WPLની બીજી મેચ 5 માર્ચે CCIમાં બેંગલુરુ અને દિલ્હીની ટીમ વચ્ચે રમાશે.
માત્ર એક એલિમિનેટર મેચ
મીડિયા રિપોર્ટ્સ અનુસાર પાંચમાંથી ત્રણ ટીમ પ્લેઓફમાં પહોંચશે. પોઈન્ટ ટેબલમાં ટોચ પર રહેનારી ટીમ સીધી ફાઈનલ માટે ક્વોલિફાય થશે. જ્યારે, બીજા અને ત્રીજા સ્થાને રહેલી ટીમો એલિમિનેટર મેચ રમશે. અહીં વિજેતા ટીમનો મુકાબલો ફાઈનલમાં પોઈન્ટ ટેબલમાં ટોચના સ્થાને રહેલી ટીમ સાથે થશે. પોઈન્ટ ટેબલમાં ચોથા અને પાંચમા સ્થાને રહેલી ટીમોની સફર લીગ તબક્કામાં જ સમાપ્ત થઈ જશે. આ લીગમાં કુલ 22 મેચો રમાશે. 23 દિવસ સુધી ચાલનારી ટુર્નામેન્ટમાં પાંચ દિવસ એવા હશે જ્યારે કોઈ મેચ નહીં હોય. 17 માર્ચ, 19 માર્ચ, 22 માર્ચ, 23 માર્ચ અને 25 માર્ચે કોઈ મેચ રમાશે નહીં.
લીગ સ્ટેજ 21 માર્ચે સમાપ્ત થશે. આ પછી, એલિમિનેટર મેચ 24 માર્ચે રમાશે અને ટાઇટલ મેચ 26 માર્ચે યોજાશે. બીસીસીઆઈએ પાંચેય ફ્રેન્ચાઈઝીના માલિકોને કરાર પર હસ્તાક્ષર કરવા માટે બોલાવ્યા છે. આ કરાર બાદ તમામ ટીમ માલિકો પોતાની ટીમને IPLમાં ચલાવવા માટે બંધાયેલા રહેશે.