સેન્ટ્રલ બોર્ડ ઓફ સેકેન્ડરી એજ્યુકેશન એટલે કે CBSEનું 12મા ધોરણનું પરિણામ આજે જાહેર થઇ ગયું છે. પરિણામ જાહેર થયા બાદ તમે તેની વેબસાઇટ www.cbse.nic.in અથવા www.cbseresults.nic.in. પર જાણી શકાશે. 10 લાખ 98 હજાર 891 વિદ્યાર્થીઓએ પરિક્ષા આપી હતી. CBSEના વિદ્યાર્થીઓ માટે બેવડી ખુશીના સમાચાર છે. જેમાં નોઇડાની આર્મી ઈન્ટરનેશનલ સ્કૂલની રક્ષા ગોપાલે 99.6% સાથે ટોપ કર્યું છે. રક્ષાને તેની સિદ્ધિ બદલ વડાપ્રધાન મોદીએ પણ અભિનંદન આપ્યા છે. વિદ્યાર્થીઓને ગ્રેસ માર્ક્સ આપવાની પોલિસી ચાલુ રાખવા CBSE તૈયાર છે. અહેવાલો અનુસાર CBSE હવે મોડરેશન પોલિસીને લઈ સુપ્રીમ કોર્ટમાં જશે નહીં.
આ વર્ષે CBSEએ વિદ્યાર્થીઓને માર્ક્સ વધારવાની પોતાની નીતિ અર્થાત્ મોડરેશન પોલિસીને નાબૂદ કરવાનો નિર્ણય કર્યો હતો. CBSEના આ નિર્ણયને એક વકીલ અને એક વાલીએ દિલ્હી હાઈકોર્ટમાં પડકાર્યો હતો જેના પર દિલ્હી હાઈકોર્ટે અરજદારની તરફેણમાં ચુકાદો સંભળાવ્યો હતો. હાઈકોર્ટે CBSEને મોડરેશન નીતિ જારી રાખવાનો નિર્દેશ આપ્યો છે.
CBSEએ એચઆરડી પ્રધાનને મળ્યા બાદ હાઈકોર્ટના નિર્ણયને સુપ્રીમમાં પડકારવાનો નિર્ણય કર્યો હતો પરંતુ હવે એવા સમાચાર મળે છે કે CBSEએ પોતાનો ઈરાદો બદલી નાખ્યો છે અને હવે સુપ્રીમ કોર્ટમાં જશે નહીં. CBSEના ધો. ૧૨નું પરિણામ ૨૪ મેના રોજ આવવાનું હતું પરંતુ દિલ્હી હાઈકોર્ટના ચુકાદા બાદ પરિણામની જાહેરાતમાં વિલંબ થયો છે.