નવી દિલ્હીઃ CBSE બોર્ડના ઈકોનોમિક્સ અને મેથ્સનું પેપર લીક થયા બાદ દિલ્હી ક્રાઈમબ્રાંચે કમર કસી લીધી છે. ધોરણ 10અને 12ના પેપર વોટ્સએપ પર લીક થયાના થોડા સમય બાદ ક્રાઈમબ્રાંચે દિલ્હી NCRની 10 જગ્યાએ રેડ કરી હતી. જેમાં પોલીસે પેપરલીકના શંકાસ્પદ શખસની ધરપકડ કરી છે. રાજેન્દ્રનગર વિસ્તારમાંથી પોલીસે વિકી નામના શખ્સની ધરપકડ કરી છે. પોલીસ તપાસમાં એવું જાણવા મળ્યું છે કે વિકી નામનો આ શખ્સ કોચિંગ ક્લાસ પણ ચલાવતો હતો.
સુત્રોના જણાવ્યા અનુસાર પેપર કેવી રીતે લીક થયું એના પર ક્રાઈમબ્રાંચે ધ્યાન કેન્દ્રીત કર્યું છે. આ તપાસને તેઓએ વિવિધ ભાગમાં વહેચી દીધું છે. પેપર લીકને લઈને કેટલાંય સવાલો પણ ઉભા થયા છે. જો કે દિલ્હી પોલીસે આ મામલે બે ફરિયાદ પણ દાખલ કરી છે. સુત્રોના જણાવ્યા અનુસાર પેપર માટે આરોપી 10થી 15 હજાર રૂપિયા લેતો હતો. વિકી નામના શખસ પર આ આરોપ લાગ્યો છે. જો કે હાલ તો દિલ્હી પોલીસે વિકી નામના આ શખશની શોધખોળ હાથ દરી છે.
દિલ્હી પોલીસના જણાવ્યા અનુસાર પેપર લીક મુદ્દે ખાસ ઈન્વેસ્ટિગેશન ટીમ બનાવવામાં આવી છે. દેશભરના 19 લાખ વિદ્યાર્થીઓ પર આની અસર પડી છે. કારણકે આ વર્ષે CBSE બોર્ડની પરીક્ષા માટે લગભગ 28 લાખ 24 હજાર 696 બાળકોનો સમાવેશ છે. આ ઘટનાથી વાલીઓ સહિત વિદ્યાર્થીઓ પણ ગુસ્સે ભરાયા છે. ત્યારે તેઓને ચિંતા સતાવી રહી છે કે જો ફરીથી પરીક્ષા લેવામાં આવે તો પ્રશ્નપત્ર કેટલું અઘરૂ હશે.
CBSEની ભૂલનું પરિણામ વિદ્યાર્થીઓ શા માટે ભોગવે ? તો કેન્દ્રીય મંત્રી પ્રકાશ જાવડેકરે કહ્યું કે પેપર લીકને રોકવા માટે હવે સરકાર કડક પગલાં લેશે. ઇલેક્ટ્રોનિકલી કોડેડ પેપર એક્ઝામિનેશન સેન્ટર્સને મોકલવામાં આવશે. પરીક્ષાના અડધા કલાક પહેલાં પરીક્ષા કેન્દ્ર પર પેપર મોકલવામાં આવશે. વળી આ પેપર પાસવર્ડ પ્રૂફ હશે અને સેન્ટર પર જ પ્રિન્ટ કાઢીને વિદ્યાર્થીઓને આપવામાં આવશે.