તમારા કામનું / આવી દીકરીઓને દર મહિને સ્કૉલરશીપ આપે છે CBSE, ફૉર્મ ભરવાની પ્રક્રિયા શરૂ, જાણો શું છે પ્રોસેસ

• દીકરીઓને દરમહિને 500રૂ. સ્કોલરશિપ
• CBSEએ  સિંગલ ગર્લ ચાઇલ્ડ યોજના 2022 કરી લોન્ચ
• છેલ્લી તારીખ 14 નવેમ્બર,2022 છે 

CBSE સ્કોલરશિપ:  સેન્ટ્રલ બોર્ડ ઓફ સેકન્ડરી એજ્યુકેશને એક સ્કોરશિપ બહાર પાડી છે. સિંગલ ગર્લ ચાઇલ્ડ એટલે કે જે માતા-પિતાને એક જ સંતાન હોય અને તેમાં પણ પુત્રી સંતાન હોય તેના ભણતર માટેની CBSE એ સ્કોલરશિપ 2022 જાહેર કરી છે જેમાં ઓનલાઇન અરજી કરવાનું આમંત્રણ છે.  આ યોજના CBSE એ વર્ષ 2006માં લોન્ચ કરી હતી. 2022 માટે પણ આ યોજના ખુલ્લી પડી છે આ સિવાય 2021માં છાત્રાઓએ લીધેલ સ્કોલરશિપના રિન્યુઅલ માટે પણ અરજીપત્રો જાહેર કરવામાં આવ્યાં છે.

ક્યાંથી કરવું અપ્લાય?
આ યોજનાનો મૂળભુત ઉદેશ્ય કન્યાઓના ભણતરને પ્રોત્સાહિત કરવાનું અને તેવા માતા-પિતાના પ્રયત્નોને માન આપવાનું છે.  આ સ્કોલરશિપ માટે યોગ્યતા ધરાવતી છાત્રા સીબીએસઈની ઓફિશિયલ વેબસાઇટ cbsc.gov.in પર સિંગલ ચાઇલ્ડ સ્કોલરશિપ 2022ની સ્કીમ અને સિંગલ ગર્લ ચાઇલ્ડ સ્કોલરશિપ 2021નાં રિન્યુઅલ માટે આવેદન કરી શકે છે.  સ્કોલરશિપ અને નવીનીકરણની છેલ્લી તારીખ  14 નવેમ્બર,2022 છે.

યોગ્યતાના માપદંડો
CBSE આ સ્કોલરશિપ એ બાળકીઓને આપે છે કે જે સીબીએસઇ માન્ય શાળાઓમાં ભણે છે અને પોતાના માતા-પિતાની એક જ સંતાન છે. આ સિવાય જે વિદ્યાર્થીને પાંચ વિષયોમાં 60%થી વધુ માર્કસની સાથે 10મું ધોરણ પાસ કરેલ છે તે આ સ્કોલરશિપ માટે એલિજેબલ છે.

સ્કોલરશિપ રાશિ 
જે માતા-પિતાને એક જ પુત્રી સંતાન અને અન્ય કોઇ સંતાન હોય નહીં તેવી છાત્રાએને 2 વર્ષ માટે દરમહિને 500રૂ. મળશે. પણ છાત્રાઓની માસિક ટ્યૂશન ફી 1500રૂ. થી વધુ હોવું જોઇએ નહીં. આવનારા વર્ષે આ સ્કોલરશિપ રાશિને 10% સુધી વધારવાની સંભાવના છે.  આ સ્કોલરશિપ 10માં ધોરણ પછી લાગુ પડશે. 11માં ધોરણમાં લીધેલ સ્કોલરશિપ બાદ આવતા વર્ષે આ સ્કોલરશિપનું રિન્યૂઅલ થશે.  નવીનીકરણ માટે છાત્રાને 11માં ધોરણની પરીક્ષામાં 50% કે તેથી વધુ માર્કસ પ્રાપ્ત થયા હોવા જોઇએ. 

રીત: 
1. CBSE ની ઓફિશિયલ વેબસાઇટ cbse.gov.in પર ક્લિક કરો. 

2. નીચે સ્ક્રોલ કરો અને scholarship પર ક્લિક કરો.

3. પછી "માર્ગદર્શિકા અને અરજી ફોર્મ 2022 / ઑનલાઇન અરજી કરો"  ઓપ્શન શોધો.

4. નવી અરજી માટે 'સિંગલ ગર્લ ચાઈલ્ડ સ્કોલરશિપ - 2022' અથવા રિન્યૂઅલ માટે " દસમાં ધોરણની સિંગલ ગર્લ ચાઈલ્ડ માટે CBSE મેરિટ સ્કોલરશિપ યોજના " પર ક્લિક કરો.